El cancru es un conjuntu de malotias enas cualis el organismu prouci un escesu de células malinas con crecimientu i devision mas allá de los límitis normalis, (envasion el tejiu circundanti i, a vezis, metástasis). La metástasis es la propagacion a longol, por via hundamentalmenti linfática o sanguínia, de las células originarias del cancru, i el crecimientu de nuevus tumoris enos lugaris de destinu de dicha metástasis. Estas propieais deferencian a los tumoris malinus de los beninus, que sonin limitaus i no envadin nin proucin metástasis. Las células normalis al sentil el contautu conas células vizinas enibin la reproducion, peru las células malinas no tienin esti frenu. La huerça los cancrus holman tumoris peru angunus non (comu la leucemia).