Zim
Jatorria
Sorrera-urtea	2005
Azken bertsioa	0.75.2
Ezaugarriak
Hizkuntza	ingelesa, errusiera eta eleaniztuna
Programazio-lengoaia	Python
Irakur dezake	Linux, Microsoft Windows eta MacOS X
GUI tresnak	GTK
Egile-eskubideak	copyrightduna
Lizentzia	GNU General Public License, version 2.0 or later (en)
Euskaraz
Euskaraz	Bai
zim-wiki.org
Iturri-kodea	https://github.com/jaap-karssenberg/zim-desktop-wiki

Zim edo Zim wiki lokalean gordetako wiki-orrien bilduma gordetzeko diseinatutako testu editorea da. Orri bakoitzak eduki dezake formatu sinpleko testuaz gain: beste orriekiko estekak, Interneteko estekak, lokaleko dokumentuekiko estekak eta irudiak.

Oinarrizko tresnaz gain pluginen bidez erantsi daitezke ekuazio editorea, taulak, zuzentzaile ortografikoa...

Wiki-orriak .txt testu lauko fitxategietan eta karpetetan gordetzen dira wiki formatuan.

Zim aplikazioa Python lengoaian idatzita dago eta GTK+ libreriak erabiltzen ditu. GNU General Public License (GPL) software libreko lizentzia du.

Horra ezaugarri interesgarri batzuk:

• Testua wiki testu prozesadore arinean formaturik gabeko testu lau bezala gordetzen da, .txt luzapenarekin, baina editatzeko eta ikusteko formatu aberatsaren ezaugarri batzuk ditu: letra lodiekin, letra etzana, nabarmendua, azpimarratua, tituluak, ezabatze marra horizontala, buletak, numerazioa, estekak, taulak...
• Eduki multimedia: irudiak, fitxategi erantsiak, egutegia...
• Beste orriekiko estekak.
• Aplikazioa orriak automatikoki gordetzen ditu karaktere bakoitzean.
• Etiketatze sistema du.
• Zereginen zerrenda kalifikatua, ataza garrantzitsuenak-eta nabarmentzeko.
• Esportatzen ahal da hainbat formatutara: HTML, diapositiba aurkezpen, Markdown, RST^[1], LaTeX formatura...

Zimen ezaugarriei funtzionalitate gehiago erantsi diezaioke pluginen bidez:

• Ekuazio editorea (LaTex eta dvipng bidez),
• Plotak (GNU R edo Gnuplot bidez),
• Zuzenketa ortografikoa (euskaraz),
• Zereginen kudeaketa,
• Taula editorea,
• Egunkaria,
• Interneteko nabigatzailearen bidez inprimatzeko aukera,
• eta beste hainbat.

Zim instala daiteke hainbat Linux banaketatan, macOS sistema eragilean eta Windowsen.^[2]

Androiderako bertsiorik ez du une honetan.

Zim euskarazko interfazearekin erabil daiteke Linux sistema eragilea darabilten hainbat banaketarekin. Windows sistemarekin oraingoz ez.^[3]

• Joplin (softwarea)

1. ↑ (Ingelesez) «reStructuredText» docutils.sourceforge.io 2021-10-22 (Noiz kontsultatua: 2022-02-14).
2. ↑ «Zim - a desktop wiki» www.zim-wiki.org (Noiz kontsultatua: 2022-02-14).
3. ↑ «Zim - Librezale.eus» librezale.eus (Noiz kontsultatua: 2022-02-14).

• Alex Gabilondo: "Zim wikia. Oharrak hartu eta egitekoen zerrendak".
• Webgune ofiziala: https://www.zim-wiki.org/