Txirritxo handi
| Txirritxo handi | |
|---|---|
| Iraute egoera | |
 Arrisku txikia (IUCN 3.1) | |
| Sailkapen zientifikoa | |
| Klasea | Aves |
| Ordena | Charadriiformes |
| Familia | Charadriidae |
| Generoa | Charadrius |
| Espeziea | Charadrius hiaticula Linnaeus, 1758 |
| Banaketa mapa | |
 | |
| Datu orokorrak | |
| Masa | 10,9 g (pisua jaiotzean) |
| Zabalera | 0,41 m |
| Kumaldiaren tamaina | 3,5 |
Txirritxo handia (Charadrius hiaticula) Charadriidae familiako hegazti zangaluzea da[1], iparraldeko Eurasian eta Kanadan bizi dena.[2] Euskal Herrian negu aldean ikusten dugu gehienbat[3].
Deskribapena
[aldatu | aldatu iturburu kodea]Hegazti limikola txiki bat da, 17-19'5 cm arteko luzera eta 35-41 cm arteko hego-zabalera dituena. 55 eta 75 gramo artean pisatzen du. Itxura trinkoa du, buru handi samarra eta moko motza. Arra eta emea antzekoak dira, emearen koloreak apalagoak ordea. Lepoko beltza du eta buruan marra zuri eta beltzak ageri ditu. Mokoa laranja kolorekoa da eta punta beltza du. Pileoa marroia da. Bizkarra, hegoak eta buztana marroiak dira eta sabelaldea zuri zuria. Hanka laranjak ditu[4].
Habitata
[aldatu | aldatu iturburu kodea]Ugalketa garaian kostaldeko eremuak okupatzen ditu eta ibaialdeak, zelaiak eta tundra eremuak ere bai[4]. Neguan, gure lurraldetara iristerakoan hondartzetan edo harri txintxarrezko eremuetan agertzen da[3].
Elikadura
[aldatu | aldatu iturburu kodea]Ornogabe txikiek osatzen dute bere dieta; poliketoak, krustazeoak eta moluskoak jaten ditu batez ere. Hondartzak alderik alde zeharkatzen ditu. Harrapakina ikusten duenean lasterkaldi azkar motza egin eta mokoarekin harrapatzen du[4].
Ugalketa
[aldatu | aldatu iturburu kodea]Apirila eta iraila artean ugaltzen da. Habia lurrean egiten du, askotan begibistan, zulotxo bat egiten da eta markatzeko material batzuk ipintzen ditu inguruan. Hiruzpalau arrautza jartzen ditu, kolore arre argikoak baina marroi tonalidade desberdinetako orbain ugari dituztenak, eta 25 egunetan zehar txitatzen dituzte emeak zein arrak. Txitak jaio bezain laister gai dira beren kabuz mugitu eta elikatzeko. beste 25 egun beharko dituzte erabat garatzeko[4].
Taxonomia
[aldatu | aldatu iturburu kodea]Carl von Linneok deskribatu zuen 1758 urtean. Hiru azpiespezie ditu[5]:
- Charadrius hiaticula hiaticula , iparraldeko Europan eta erdialdeko Eskandinavian bizi dena. Hegoaldeko Europara, tartean Euskal Herrira migratzen da.
- Charadrius hiaticula psammodroma, Islandian, Groenlandian eta ipar-ekialdeko Kanadan bizi dena. Mendebaldeko Afrikara migratzen da.
- Charadrius hiaticula tundrae, iparraldeko Eskandinavian eta Asian bizi dena. Afrika eta hego-mendebaldeko Asiara migratzen da.
Iruditegia
[aldatu | aldatu iturburu kodea]-
Txirritxo handia ehizan. -
Txirritxo handia hegan. -
Txirritxo handia arrautzak txitatzen. -
Habia. -
Arrautza.
_(12).JPG)
Erreferentziak
[aldatu | aldatu iturburu kodea]- ↑ BirdLife International (2004). Charadrius hiaticula. 2006. IUCN Red List of Threatened Species. IUCN 2006
- ↑ Lur entziklopedietatik hartua.
- ↑ a b Gutiérrez, Itziar. (2013-03-24). «Plaiaundiko Hegaztiak - Aves de Plaiaundi: Asteko Hegazti Zerrenda» Plaiaundiko Hegaztiak - Aves de Plaiaundi (Noiz kontsultatua: 2019-11-30).
- ↑ a b c d «Chorlitejo grande» SEO/BirdLife.
- ↑ «Wayback Machine» web.archive.org 2009-04-29 (Noiz kontsultatua: 2019-11-30).
| Autoritate kontrola |
|
|---|
Datuak: Q26816
Multimedia: Charadrius hiaticula / Q26816
Espezieak: Charadrius hiaticula
Text is available under the CC BY-SA 4.0 license; additional terms may apply.
Images, videos and audio are available under their respective licenses.
