Tianshui
Prefektura mailako hiria
Irudi gehiago
Administrazioa
Estatu burujabe	Txinako Herri Errepublika
Txinako probintzia	Gansu
Izen ofiziala	天水市
Posta kodea	741000
Geografia
Koordenatuak	34°34′51″N 105°43′52″E / 34.58093°N 105.73115°E / 34.58093; 105.73115
Azalera	14277.2 km²
Altuera	1.171 m
Demografia
Biztanleria	2.984.659 (2020) −277.890 (2010)
Dentsitatea	209,05 bizt/km²
Informazio gehigarria
Telefono aurrizkia	0938
Ordu eremua	UTC+08:00
Hiri senidetuak	Bendigo (en)
Matrikula	甘E
tianshui.gov.cn

Tianshui (txinera sinplifikatuz: 天水; pinyinez: Tiānshuǐ), Gansu probintzian kokatutako prefektura mailako hiria da. Guztira, 3.250.000 biztanle inguru dauzka eta probintziako bigarren hiririk handiena da.

Etimologia

Tianshui izena Qin dinastiaren garaian azaldu zen lehen aldiz^[1] eta "ur zerutiarra" esan nahi du. Wei dinastiaren garaian Hanyang izena izan zuen eta Tang dinastiaren garaian Shanggui.

Historia

Kondairak dioenez Fuxi-ren jaiolekua da. Txinako kulturan arbaso kontsideratzen den hiru errege jakintsuetako bat zen Fuxi^[2].

Neolito garaian Dadiwan kultura sortu zen eskualde honetan eta ondoren Qin estatua eratu zen^[3]. Tianshui ondoan dagoen Fangmatan arkeologia eremuan hainbat Qin hilobiren indusketak egin dira eta beste altxor ugariren artean 2.200 urte dituen Qindarren Guixian konderriaren mapa bat aurkitu da^[4].

K.a. X mendean Mendebaldeko Zhou dinastiak Rong leinuen erasoek eraginda Tianshui lurraldea berreskuratu zuen hainbat etnia nomadei kenduta eta dukerri garrantzitsua bihurtu zen^[3]. K.a. I mendean Wu enperadoreak Tianshui komandantzia eratu zuen, inperioa mendebalderantz zabaltzen ari baitzen eta Tarim arroa kontrolatu ahal izateko.

Wei ibaiaren bidez Xi'an hiriburuarekin lotzen zenez Iparraldeko Zetaren Bidea bertatik pasatzen zen^[5]. Budismoa bide hau jarraituz hedatu zen eta erakusgarri artistiko ugari utzi zituen, Tianshuien dauden aipagarrienak Maijishan leizeak dira^[6].

Banaketa administratiboa

• Qinzhou Barrutia (秦州区; Qínzhōu Qū)
• Maiji Barrutia (麦积区; Màijī Qū)
• Qingshui Konderria (清水县; Qīngshuǐ Xiàn)
• Qin'an Konderria (秦安县; Qín'ān Xiàn)
• Gangu Konderria (甘谷县; Gāngǔ Xiàn)
• Wushan Konderria (武山县; Wǔshān Xiàn)
• Zhangjiachuan Hui Konderri Autonomoa (张家川回族自治县; Zhāngjiāchuān huízú Zìzhìxiàn)

Geografia eta Klima

Kokapena

Tianshui Jie ibaiaren ertezean kokaturik dago, hego-ekialderantz isurtzen dena. Jie Wei ibaiaren adar nagusia da. Hiriaren hegoaldea eta ekialdea menditsuak dira eta iparraldean loess eremu bat dago^[1].

Iparralde eta mendebaldean Dingxi hiriarekin egiten du muga, hegoaldean Longnan hiriarekin eta ekialdean Shaanxi probintziarekin.

Klima

Datu klimatikoak (Tianshui (1971−2000))
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Batez besteko tenperatura maximoa (°C)	3.5	6.7	12.2	19.4	23.7	27.1	28.8	27.9	22.3	16.6	10.5	4.9	17.0
Batez besteko tenperatura minimoa (°C)	−5.9	−3.0	1.6	7.0	11.3	15.0	17.8	17.1	12.7	7.0	0.7	−4.6	6.4
Pilatutako prezipitazioa (mm)	5.1	6.0	18.7	38.0	54.5	68.9	84.6	78.8	74.3	47.1	12.1	3.6	491.7
Prezipitazio egunak (≥ 1 mm)	5.0	5.2	7.9	8.9	10.5	11.2	11.8	10.7	11.2	10.6	5.4	3.0	101.4
Eguzki orduak	144.3	128.4	142.2	182.0	201.7	190.0	195.7	193.4	125.4	123.7	133.4	151.0	1911.2
Hezetasuna (%)	62	60	61	59	62	66	70	71	76	77	71	65	66.7
Iturria: China Meteorological Administration

Ondasun nabarmenak

• Maijishan leizeak
• Fangmatan arkeologia eremua
• Fuxi tenplua
• Manshu tenplua

Iruditegia

• 
  Maijishan leizeak.
• 
  Maijishan leizeak.
• 
  Fuxi tenplua.
• 
  Manshu tenplua.

Erreferentziak

Kanpo estekak

• (Txineraz) Tianshuiko gobernuaren webgunea.

	Gansu probintziako udalerriak
Baiyin • Dingxi • Gannan • Jiayuguan • Jinchang • Jiuquan • Lanzhou • Linxia • Longnan • Pingliang • Qingyang • Tianshui • Wuwei • Zhangye