Thieboudienne
| Thieboudienne | |
|---|---|
| arrain plater | |
 | |
| Osagaiak | arroza, arraina eta tomate saltsa |
| Historia | |
| Jatorria | Senegal |
Thieboudienne (euskaraz ahoskatuta: ttebu jen), Senegalgo plater tradizionalaren ikur nagusia da,[1] arroza (ceeb) eta arraina (jën) oinarritzat hartzen dituena.[2]
Izena
[aldatu | aldatu iturburu kodea]Jatorrizko izena woloferaz: ceebu jën da, frantsesez: thiéboudienne, thiéboudiène, thiébou dieune bezala transkribatu izan dena.[2]
Osagaiak eta prestaketa
[aldatu | aldatu iturburu kodea]Thieboudiennea been cin motako platera da, alegia: osagai guztiak marmita berean ezarriz prestatzen den horietakoa.[1]
Erabiltzen den arraina meroa, urraburua, lupia, lutxoa, legatza... izan daiteke.[3] Arroza eta tomateaz gain, osagaiak etxetik etxera alda daitezke: tipula, azenarioa, aza, manioka, kakahuete olioa, perrexila, berakatza, piperra, espeziak...[2]
Alde batetik, arraina garbitu eta barazkiekin betetzen da (perrexila, tipula, berakatza, piperra, espeziak...); oliotan minutu gutxi batzutan sueztitu eta gero, aparte gordetzen da. Olio horretan gainontzeko barazkiak jartzen dira, urarekin; egosi direnean, barazkiak ateratzen dira arrainarekin batera jarriz. Bitartean, urarekin arroza egosten da; azken minutuetan barazkiak eta arraina lapikoan sartzen dira, azken egostaldia emanaz.[3]
Jatorria eta hedapena
[aldatu | aldatu iturburu kodea]Senegaldarren arabera, plater hau Penda Mbaye sukaldariak asmatu zuen XIX mendean, Ndar edo Saint-Louis hirian (artean Mendebaldeko Afrika Frantseseko hiriburu zena).[3] Inguruko herrialdeetan ere ezaguna da, adibidez Malin (zamé) edo Mauritania eta Gambia (benechin).[1]
EEBB-etako Savannah red rice izeneko platerak thieboudienne-aren itxura handia du; hori dela eta, kreoleek afrikarrengandik hartutako errezeta dela uste da.[4][5]
Galeria
[aldatu | aldatu iturburu kodea]-
Erabil daitezkeen espezietako batzuk. -
Erabil daitezkeen barazkiak eta espeziak. -
Arrain desberdinak erabil daitezke. -
Arrozaren prestaketa. -
Jateko prest.
Erreferentziak
[aldatu | aldatu iturburu kodea]- ↑ a b c Les mots du patrimoine : le Sénégal. Éditions de archives contemporaines 2006 ISBN 2914610335. PMC 71887592. (Noiz kontsultatua: 2018-09-12).
- ↑ a b c Troth Wells. (2007). The World of Street Food: Easy Quick Meals to Cook at Home. New Internationalist, 28 or. ISBN 978-1-904456-50-6..
- ↑ a b c Benayoun, Mike. «Sénégal : Thiéboudienne» https://www.196flavors.com/ (Noiz kontsultatua: 2018ko irailaren 12a).
- ↑ Jessica B. Harris. (2011). High on the Hog: A Culinary Journey from Africa to America. Bloomsbury USA, 71- or. ISBN 978-1-59691-395-0..
- ↑ Grass roots: African origins of an American art. Museum for African Art, 123,125 or. ISBN 978-0-945802-50-1..
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q1810575
Multimedia: Thieboudienne / Q1810575
Text is available under the CC BY-SA 4.0 license; additional terms may apply.
Images, videos and audio are available under their respective licenses.
