Sonia Nimr
Bizitza
Jaiotza	Jenin, 1955 (68/69 urte)
Herrialdea	Palestinar Lurralde Okupatuak
Hezkuntza
Heziketa	Birzeiteko Unibertsitatea
Jarduerak
Jarduerak	haur literaturaren idazlea, unibertsitateko irakaslea eta idazlea
Enplegatzailea(k)	Birzeiteko Unibertsitatea

Sonia Nimr (arabieraz سونيا نمر sunia nimr) (Jenin, Palestina, 1955) palestinar idazle eta ipuinkontalaria da. Birzeiteko Unibertsitateko (Palestina) Filosofia eta Kultura Ikasketetako Departamentuko batzorde akademikoko kidea da, eta bertan ere irakasle laguntzaile gisa lan egiten du. Historian doktoratu zen Exeterreko Unibertsitatean (Erresuma Batua).Arabierazko ipuin herrikoiak eta haurrentzako ipuinak idazten ditu. Arabiar Eleberriaren Katara Saria irabazi zuen, baita Arabiar Haur Literaturaren Etisalat Saria ere, gazte literaturaren sailean.. Hans Christian Andersen sarirako eta Sheikh Zayed sarirako ere izendatu zuten.^[1]

Nimr doktorea familia eruditu eta ikaskuntza maite zuen batean jaio zen. Saïd Nimr aitona Palestinako medikuntzaren aitzindaria izan zen. Aita ingeniaria izan zen eta osaba, Essam Nimr, Ilargiko lehen ilargiratzean parte hartu zuen Apolo 11 ontziarekin. Amak, txikitatik kontakizunak irakurtzera animatzen zuenak, bultzatu zuen haurrentzat ipuinak idaztera.

Sonia Nimr 1975. urtean espetxeratu egin zuten Israelgo emakumeen lehen kartzelan (lehen Ramla deitzen zioten), unibertsitateko bigarren urtea egiten ari zela, eta hiru urtez egon zen Israelgo kartzeletan. Urte horietan haur-liburuak idazteko interesa piztu zitzaion.^[2] Kartzelan egon zen bitartean bere lehen bi ipuinak idatzi zituen; geroago, ordea, konfiskatu egin zizkioten eta ez zituen berriro idatzi. 1990. urtean, atxilotu egin zuten berriro, eta denbora batez egon zen espetxean. Liberatu ondoren, urte berean, Erresuma Batura joan zen eta Exeterreko Unibertsitatean ahozko istorioetan espezializatutako doktore-tesia aurkeztu zuen. Gero, 20 urtez aritu zen lanean Londresko Museoko kultura-hezkuntzako sailean, eta haren hezkuntza-arduraduna ere izan zen.

2006tik, hizlari eta irakasle laguntzaile gisa ari da lanean Birzeiteko Unibertsitatean, Kultura Ikasketen Zentroan.

Haurrentzako hamasei liburu argitaratu zituen, baita mitologia palestinarreko ipuin-bilduma bat eta herri-liburuen beste bat ere, lagunarteko hizkera sinplean idatziak. Umorezko literatura idazteko beka bat ere lortu zuen eta hainbat liburu itzuli zituen.

Haur eta gazteentzako liburuak:

• 2002: Historia que empieza y termina con imaginación
• 2003: Un pequeño pedazo de tierra; egilekide izan zen Elizabeth Lairdekin batera; errekonozimendu handia jaso zuen (gaztelaniaz eskuragarri)
• 2008: Ghaddar el Ghoul y otras historias palestinas; umore-kutsukoa
• 2008: La historia moderna de Palestina ilustrada; Saad Nimr-ekin batera egilekide
• 2011: Zallouta; Souad Najiekin batera egilekide
• 2011: Mukhtar Abu 2011: Deneen Kbar
• 2013: Viajes extraordinarios por tierras misteriosas; Haur Literatura Arabiarreko Etisalat Sarian lehen postua lortu zuen gazte literaturaren kategorian (2014) (euskaraz eskuragarri)
• 2014: El rey de los cuentos 2016:  Los zapatos de Tamburi; Rasha Hamamiekin batera egilekide.
• 2017: El ave trueno

• 2014: lehen postua Haur Literatura Arabiarraren Etisalat Sarian, gazte literaturaren kategorian.
• 2017: haurren liburuko Etisalat sariaren bederatzigarren edizioko zerrenda laburrerako izendatua. Mundu arabiarreko haur-literaturarako saririk garrantzitsuenetariko bat da, baita nabarmenenetako bat ere.
• 2018: Astrid Lindgren Oroimenezko Sarirako izendatua, «Haurrentzako literaturaren Nobel» ere deitua, Suediako Gobernuaren haur-literaturako erakundearen sari zaharra izan zena.
• 2019: Sheikh Zayed sarirako izendatua, intelektual eta gazte berrien kasuan.
• Hans Christian Andersen sarirako izendatu zuten, IBBY erakundeak haurrentzako liburuen egile eta ilustratzaileentzat emandako nazioarteko aintzatespen handienerako.