Sevillako urketaria
Jatorria
Sortzailea(k)	Diego Velázquez
Sorrera-urtea	1620
Izenburua	The Water Seller of Seville
Mugimendua	Barrokoa
Ezaugarriak
Materiala(k)	olio-pintura eta Margo-oihala
Dimentsioak	107,7 () × 81,3 () cm
Genero artistikoa	genero-artea eta izadi hila
Egile-eskubideak	jabetza publiko
Deskribapena
Kokapena
Lekua	Apsley House Erresuma Batua
Bilduma	Victoria and Albert Museum eta Apsley House
Inbentarioa	WM.1600-1948

Sevillako urketaria Diego Velázquezen gaztaroko margolana da, Sevillan egina 1618-1622 bitartean.

Koadro horren hiru bertsio daude. Ospetsuena Wellington Museum-en dago (Apsley House), 1813an Espainiako Fernando VII.ak Lord Wellingtoni eman baitzion Frantziaren kontrako gerran jasotako laguntzagatik. Beste biak Uffizi museokoa eta Walters museokoa izanen da.

Urketaria da margolanaren gaia. Bi bezero ditu: mutiko bat, agian Bazkaria eta Arrautzak frijitzen dituen atsoa koadroetarako hartutako modelo bera, eta gazte bat, hura atzealdeko itzalpean (argiago agertzen da Uffiziko bertsioan).

Aurrealdean, ur pitxerrak daude, bodegoi baten antzera. Dir-dir ari dira haien gaineko ura dela eta. Urketariak ur baso bat luzatu dio mutikoari. Eszena lasaia da, Velazquezen lan ugari bezalakoa. Urketaria gauzatzeko era da lan honen ezaugarririk nabarmenena. Aurpegia pentsakorra da, eguzkiak higatua eta adinak zimurtua. Velazquezen txiroenganako begirunea antzematen da, duintasuna ematen baitio urketari zaharrari. Baina hura idealizatzea ez du helburu, errealitatearen isla fidela egin gogo du. Pitxerren matxurak eta pertsonaien aurpegiera errealistak dira horren adibide.

Velazquezen garapen artistikoaren aldetik, mugarri bat da Sevillako urketaria. Gaztea izanagatik ere, hurrengo lanen teknikak ageri dira hemen. Izan ere, urketariaren nortasuna agerian uzteko gaitasuna hurrengo erretratu handietan agertuko da berriz, bai eta xehetasun txikienak islatzeko abilezia ere.