Setsuko Hara
| Setsuko Hara | |
|---|---|
.jpg) | |
| Bizitza | |
| Jaiotza | Yokohama, 1920ko ekainaren 17a |
| Herrialdea |  Japonia  Japoniar Inperioa 1947) |
| Heriotza | Kanagawa prefektura, 2015eko irailaren 5a (95 urte) |
| Heriotza modua | berezko heriotza: pneumonia |
| Familia | |
| Anai-arrebak | ikusi
|
| Hezkuntza | |
| Hizkuntzak | japoniera |
| Jarduerak | |
| Jarduerak | aktorea eta zinema aktorea |
| Jasotako sariak | ikusi
|
      | |
Setsuko Hara (japonieraz: 原 節子 Hara Setsuko) (Yokohama, Japonia, 1920ko ekainaren 17a - Kamakura, Japonia, 2015ko irailaren 5a) japoniar zinema antzezlea izan zen. Berau izan zen emakume aktorerik ezagunena Japoniako zinemaren Urrezko aroan, mito bihurtzeraino. Japoniarrek deitu zuten “Betiereko birjina”, Hara sekula ez zen-eta ezkondu.
Aktore lanak
[aldatu | aldatu iturburu kodea]Setsuko Hara 15 urterekin hasi zen zineman aktore gisa, Bigarren Mundu Gerra piztu baino lehen. 1937an ezagun egin zen “Atarashiki Tsuchi” (Lur berria) film germaniar-japoniarrarekin. Gerra ondoren, berriz, Japoniako zuzendari onenekin egin zuen lan: Akira Kurosawa, Yasujiro Ozu, Kimisaburo Yoshimura, Mikio Naruse eta Keisuke Kinoshita.
Yasujiro Ozu zuzendariarekin sei film egin zituen. Ezagunenak dira Banshun / Udaberri berantiarra (1949), Bakushû / Uda goiztiarra (1951) eta Tokyo Monogatari / Bidaia Tokiora (1953). Hiru hauetan Setsuko Harak Noriko izeneko emakume bat antzezten du, baina oso egoera desberdinetan.
Erretiroa
[aldatu | aldatu iturburu kodea]Ozu hil zen urte berean, eta 43 urte zituela, Harak zinema utzi eta Kamakuran jarri zen bizitzen, Ozurekin egindako film asko errodatu ziren lekuan, Tokiotik gertu. Mende erdiko bakartasuna igarota —aldi hartan apenas eman zuen elkarrizketarik—, 2015ean hil zen Setsuko Hara, 95 urte zituela.
2001ean, Satoshi Kon zine zuzendariak Sennen Joyû (Miliurteko emakume aktorea) izeneko anime filma egin zuen, neurri batean Setsuko Hara aktorearen karreran eta bizitzan oinarrituta.
Kanpo loturak
[aldatu | aldatu iturburu kodea]- Setsuko Hara en Internet Movie Database (ingelesez)
- Setsuko Hara aktorearen fitxa AllMovie-n (ingelesez).
- JMDb Profila (japonieraz)
- Setsuko Hara non: Ozu-san.com webgunean.
 |
Artikulu hau Japoniako biografia baten zirriborroa da. Wikipedia lagun dezakezu edukia osatuz. |
Datuak: Q236129
Multimedia: Setsuko Hara / Q236129
Text is available under the CC BY-SA 4.0 license; additional terms may apply.
Images, videos and audio are available under their respective licenses.
