Mary Bradbury
| Mary Bradbury | |
|---|---|
| Bizitza | |
| Jaiotza | Hillmorton (en)  , 1615eko irailaren 3a |
| Heriotza | Salisbury, 1700eko abenduaren 20a (85 urte) |
| Heriotza modua | : eritasuna |
| Familia | |
| Aita | John Perkins 'the Elder' |
| Ama | Judith Gater |
| Seme-alabak | ikusi
|
| Jarduerak | |
Mary Bradbury, jaiotzez Mary Perkins Gater (Warwickshire, Ingalaterra, 1615eko irailaren 3a – Ipswich, Massachusetts, AEB, 1700eko abenduaren 20a) Salemgo sorginkeria prozesuan kondenatua izan zen Ingalaterra Berri kolonialean, baina exekuziotik ihes egitea lortu zuen eta urte batzuk geroago hil zen, laurogeita bost urte zituela.
Bizitza
[aldatu | aldatu iturburu kodea]Mary Perkins Gater Warwickshiren jaio zen, Ingalaterran, John eta Judithen (ezkongabetan Gater) alaba. Familiak Ingalaterra Berrira emigratu zuen 1631n, Bristoletik, Lion ontzian. 1636an Thomas Bradburyrekin (1611-1694) ezkondu zen, Salisburyko (Massachusetts) hiritar ezagunenetako batekin, eta hamaika seme-alaba izan zituzten: Wymond (1637-1669), Judith (1638-1700), Thomas (1640-1718), Mary (1642-1724), Jane (1637-1716)), Jacob (1647-1669), William (1649-1678), Elizabeth (1651-?),John (1654-1678), Anne (1656-1659) eta Jabez (1658-1677).[1]
Prozesua
[aldatu | aldatu iturburu kodea]Salisburyko herritar aberats eta errespetatuenetako bat zen arren, Timothy Swan de Andover atsekabetzeagatik epaitu zuten uztailaren 28an. Berehala, beste batzuek esan zuten hainbat animalia-forma har zitzakeela, batez ere basurde urdin bat, eta ontzi bat sorgindu zuela. Ehun bizilagunek baino gehiagok, ordea, beren bizitza kristaua eta gaitzik gabea frogatu zuten, eta, beren aldeko etengabeko eskaerei esker, exekuzioa atzeratu egin zen. Txosten batzuen arabera, kartzelatik ihes egiten utzi zioten, beste batzuek diote kartzelaria erosi egin zuela eta beste batzuek diote senarrak kartzelaria erosi eta Mainera eraman zuela, karromato batean gordeta. Massachusettsera itzuli ziren epaiketen ondoren, egoera baretu zenean, eta bera arrazoi naturalengatik hil zen 1700. urtean. Epaiak 1711n ezeztatu zirenean, seme-alabek hogei libera jaso zituzten konpentsazio gisa.
Ondorengo ospetsuak
[aldatu | aldatu iturburu kodea]Bere ondorengoen artean Ralph Waldo Emerson idazle transzendentalista (1803-1882), Judith alabaren biloba, eta Ray Bradbury (1920-2012) beldurrezko, zientzia-fikziozko eta fantasiazko idazlea nabarmentzen dira.[2]
Erreferentziak
[aldatu | aldatu iturburu kodea]- ↑ Mary Bradbury. .
- ↑ Weller, Sam. (2005). The Bradbury chronicles : the life of Ray Bradbury. New York : William Morrow ISBN 978-0-06-054581-9. (Noiz kontsultatua: 2022-07-11).
Kanpo estekak
[aldatu | aldatu iturburu kodea]- Artikulu hau, osorik edo zatiren batean, (({hizkuntza))} Wikipediako «Mary Bradbury» artikulutik itzuli da. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
