Linea alba
Linea alba | |
---|---|
![]() | |
Xehetasunak | |
Kokapena | Abdomena |
Identifikadoreak | |
Latinez | linea alba |
TA | A04.5.01.022 |
FMA | 11336 |
Terminologia anatomikoa |
Linea alba edo lerro zuria[1] aponeurosi bat da, egitura tendoitsu bat; gizakietan eta beste ornodun batzuetan abdomeneko erdiko lerroa beheranzko norabidean zeharkatzen du, abdomeneko aurreko bi muskulu zuzenen artean. Xifoide apofisitik pubiseko sinfisiaren goiko ertzeraino hedatzen da. Lerro zuria edo linea alba, izenak dioen bezala, zuria da, ehun konektiboz osatuta dagoelako.
Egitura
[aldatu | aldatu iturburu kodea]Abdomeneko muskulu zuzenen aponeurosiak kanpoko muskulu lapranaren, barruko muskulu lapranaren eta abdomeneko zeharkako muskuluaren ehun konektiboekin elkartzean sortzen da. Tendoi hauek modu lapranean elkargurutzatzen dira hiru geruzatan zilbor gainean, eta modu konbergentean zilborretik behera; honek distentsio mugimendu txikiak ahalbidetzen ditu. Muskulu hauen arteko banaketa handiagoa da zilborretik gora, saihetsetako kartilagoetan txertaturik daudelako (zilborretik behera ertz medialetik lotzen dira). Lerro zuriaren azpitik igitai-formako lotailua dago, eta zilbor atzean zilbor-faszia. [2]
Kirurgian
[aldatu | aldatu iturburu kodea]Soilik ehun konektiboz osatuta dagoenez, eta ez duenez nerbio edota odol-hodi garrantzitsurik, kirurgian gune erabilia da ebakuntzak hasteko. Hala ere, nahiz eta asko erabili zenbait arrisku ditu, hala nola hernien agerpena eta ebiszerazioa sutura okerrak direla eta. [3] [4]
Irudi gehigarriak
[aldatu | aldatu iturburu kodea]-
Toraxaren eta abdomenaren atal frontalaren gainazaleko anatomia.
-
Lerro zuria.
Erreferentziak
[aldatu | aldatu iturburu kodea]- ↑ Euskalterm: [Hiztegi terminologikoa] [2002]
- ↑ Acevedo, Alberto (2014). «Hernias de la línea media (línea alba) de la pared abdominal. Hernia umbilical y epigástrica.». Enciclopedia de cirugía digestiva I. ISSN , Págs.
- ↑ Bellón-Caneiro, Juan M. (2005). «El cierre de laparotomía en la línea alba». Cirugía Española 3 (77).
- ↑ R. Vara y F.J. Jiménez (2000). «Los cierres problemáticos de la cavidad abdominal». Seminario médico 53 (Número especial).
Kanpo estekak
[aldatu | aldatu iturburu kodea]Text is available under the CC BY-SA 4.0 license; additional terms may apply.
Images, videos and audio are available under their respective licenses.