Kopolimeroa monomero-mota batetik baino gehiagotik sorturiko polimeroa da. Kasu honetan monomeroen polimerizazioari kopolimerizazio deritzo. Bi monomero-moten kopolimerizazioaren bidez lortutako kopolimeroei bipolimero deritze batzuetan. Hiru eta lau monomerotatik lortzen direnak terpolimeroak eta kuaterpolimeroak dira, hurrenez hurren.

Kopolimero komertzialen artean hauek dira aipagarrienak: akrilonitrilo-butadieno-estirenoa (ABS), estireno-butadieno kautxua (SBR), nitrilo kautxua, estireno-akrilonitriloa, estireno-isopreno-estirenoa (SIS), poli(etilen-metilen azetato)a (EVA) eta nylon12/6//66-a. Lehenak kate-polimerizazioz sintetizatzen dira eta atzena etapa-polimerizazioz.

Kopolimeroaren katean monomero-unitateak ordena jakinik gabe antolatzen badira zorizko kopolimeroa izango da. Txandakako kopolimeroetan unitate monomerikoak txandaka eta kantitate ekimolekularretan daude. Bloke-kopolimeroetan unitate monomerikoen multzo handiak daude. Txertozko kopolimeroak adarkatuak dira. Kate nagusian monomero-mota bat dago eta horretatik zintzilik bestea^[1].

Artikulu hau kimikari buruzko zirriborroa da. Wikipedia lagun dezakezu edukia osatuz.