Koordenatu sistema galaktikoa koordenatu esferikotan dagoen koordenatu sistema da, erdigunean Eguzkia duena, norabide nagusia Esne Bidea galaxiaren balizko erdigunearekin lerrokatua dagoena eta oinarrizko planoa plano galaktikoarekiko paraleloa dena. Eskuin eskuaren araua darabil, hau da, koordenatuak positiboak dira iparralderuntz eta oinarrizko planoan ekialderuntz^[1].

Longitudeak (${\displaystyle l}$ ikurra) objektu baten ekialderazko distantzia angeluarra neurtzen du erdigune galaktikoa jatorri hartuta. Lurreko longitudea bezala, gradu sexagesimaletan (°) neurtzen da.

Longitudearen arabera, Esne Bidea lau koadrante galaktikotan banatua dago:

• 1. koadrante galaktikoa – 0° ≤ longitudea (ℓ) ≤ 90°^[2]
• 2. koadrante galaktikoa – 90° ≤ ℓ ≤ 180°
• 3. koadrante galaktikoa – 180° ≤ ℓ ≤ 270°
• 4. koadrante galaktikoa – 270° ≤ ℓ ≤ 360° (0°)

Latitudeak (${\displaystyle b}$ ikurra) objektu baten angelua neurtzen du ipar edo hegoalderuntz ekuatore galaktikoarekiko (oinarrizko planoarekiko) Lurretik ikusia, positiboa iparralderantz eta negatiboa hegoalderuntz. Adibidez, iparburu galaktikoaren latitudea +90° da. Lurreko latitudea bezala, gradu sexagesimaletan (°) neurtzen da.

Erreferentzia puntu galaktikoen J2000.0 koordenatu ekuatorialak^[1]

	Igoera zuzena (RA)	Deklinazioa	Konstelazioa
Iparburua +90° latitudea	12h 51.4m	+27.13°	Coma Berenices (31 Com ondoan)
Hegoburua −90° latitudea	0h 51.4m	−27.13°	Sculptor (NGC 288 ondoan)
Erdigunea 0° longitudea	17h 45.6m	−28.94°	Sagittarius (Sagittarius A barnean)
Anti-erdigunea 180° longitudea	5h 45.6m	+28.94°	Auriga (HIP 27088 ondoan)
Ipar galaktikoa Hego galaktikoa Erdigune galaktikoa

• Koordenatu polarrak

Artikulu hau astronomiari buruzko zirriborroa da. Wikipedia lagun dezakezu edukia osatuz.