Jose Ramon Zubillaga
Jose Ramon Zubillaga | |
---|---|
Bizitza | |
Jaiotza | Bedaio, 1891ko urtarrilaren 3a |
Herrialdea | ![]() |
Heriotza | Buenos Aires, 1975eko abenduaren 25a (84 urte) |
Hezkuntza | |
Hizkuntzak | gaztelania |
Jarduerak | |
Jarduerak | idazlea |
Lan nabarmenak | ikusi
|
Jose Ramon Zubillaga (Bedaio, 1891ko urtarrilaren 3a - Buenos Aires, Argentina, 1975eko abenduaren 25a) gipuzkoar idazlea izan zen. Euskal emigrantea Argentinan, han aberastu egin zen. Bere lan guztiak euskaraz idatzi zituen. Autodidakta zen.
Biografia
[aldatu | aldatu iturburu kodea]Jaioterrian artzain eta Tolosan arotz ibili ondoren, Argentinara joan zen; Bahia Blancan esne-saltzen ibili zen. Handik Buenos Airesera jo zuen eta kafe-etxe bat hartu zuen. 37 urte zituelarik Mariana Saldubehere lapurtarrarekin ezkondu zen Urte batzuk geroago Beti Jai izeneko frontoia eta jatetxea eraiki zuen. 1964an autobiografia lan bat argitaratu zuen, Auspoa liburu sailean, Lardasketa izenburuarekin. Liburu horretako hitz laua herri literaturaren alorrean sartzen da bete-betean. 1972an Ekin argitaletxean Euskaldunak Argentinan saiakera plazaratu zuen. Bi liburu argitaratu gabe utzi zituen: Ene sorterria eta Aralarko lapurra.[1]
Obra
[aldatu | aldatu iturburu kodea]- Lardasketa (Parrez ta negarrez Bedayo'tar batek Argentina'n idatzia), Auspoa liburu saila 40-41 zk., Tolosa, 1964. Lan honetan Antonio Zavalaren zuzenketak nabariak dira.[2]
- Euskaldunak Argentinan, Ekin, Buenos Aires, 1972.[3]
- Ene sorterria, argitaratu gabea.
- Aralarko lapurra, argitaratu gabea.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]Text is available under the CC BY-SA 4.0 license; additional terms may apply.
Images, videos and audio are available under their respective licenses.