Jon Anza
| Jon Anza | |
|---|---|
 | |
| Bizitza | |
| Jaiotza | Donostia, 1962ko urtarrilaren 8a |
| Herrialdea |  Gipuzkoa, Euskal Herria |
| Heriotza | Tolosa Okzitania, 2009ko maiatzaren 11 (47 urte) |
| Jarduerak | |
| Kidetza | Euskadi Ta Askatasuna |
Jon Anza Ortuñez (Donostia, Gipuzkoa, 1962ko urtarrilaren 8a[1] - Tolosa, Frantzia, 2009ko maiatzaren 11[2]) ETAko militantea izan zen.[3] 2009ko apirilaren 18tik 2010eko martxoaren 11ra desagerturik egon zen.[2]
Jon Anzak 21 urte eman zituen preso Espainiako kartzeletan. Desagertu baino lehen, sei urtez Ahetzen (Lapurdi) bizi izan zen.
Desagerpena
[aldatu | aldatu iturburu kodea]2009ko apirilaren 18tik ez zen haren berririk izan. Jon Anzak, egun horretan ETArekin hitzordua zuen Okzitaniako Tolosa hirian eta talde armatuarentzat dirua zeraman. Bere neskalaguna izan zen Jon ikusi zuen azkena, trenaraino lagundu baitzuen. 2009ko maiatzaren 15ean bere desagerpena salatu zuten Baionako Auzitegian.
Gainera, 2009. urtearen hasieratik minbizia zuen eta apirilaren 24an medikuarenera joan behar zuen Baionan, baina ez zen azaldu.
2009ko maiatzaren 20an, ETAk Gara egunkariari bidalitako oharraren arabera, Jon Anza desagerpenaren ardura Espainiako eta Frantziako gobernuei egotzi zien.[4]
2009ko uztailaren 25an, Iparraldeko zenbait taldeek, gerra zikinaren aurka eta Jon Antzaren desagerketa argitzeko exigituz manifestazio nazionala deitu zuten irailaren 19rako Donibane Lohitzunen. [5] Urriaren 2n Gara egunkariak aditzera eman zuenez hainbat polizia espainolek atxilotu eta galdeketetan hil zitzaien. Ondoren Frantzian lurperatu zutela salatu zuten.[6]
Jacques Massey kazetaria era irakaslearen Frantziako hainbat iturrien arabera Espainiako Poliziek egin zuten «Anzaren aurkako kolpea». Are gehiago "gertakari horri buruz" Frantziako poliziak telefono entzuketak dituela ziurtatu du Flammarion argitaletxearen eskutik plazaratzeko duen "ETA, histoire secrète d'une guerre de cent ans" liburuan.[7][8] 2010eko otsailaren 9an, Espainiako Auzitegi Nazionalak Baionako fiskaltzaren eskakizunez, Jon Anzaren desagerpenaren ikerketa ireki zuen. Ikerketen epaile-arduraduna Fernando Andreu izanik.[9]
2010eko martxoaren 11n, Anzaren hilotza Tolosako (Frantzia) gorputegian zegoela hedatu zuen FR3 telebista-kateak; eta albistea hurrengo egunean baieztatu zen.[2]
Erreferentziak
[aldatu | aldatu iturburu kodea]- ↑ (Gaztelaniaz) Juan José Petrikorena, Joseba Zinkunegi: JON ANZA ¿El último crimen de Estado?
- ↑ a b c Jon Anzarena da Tolosako gorputegian agertutako hilotza,[Betiko hautsitako esteka] Berria, 2010eko martxoaren 12a
- ↑ Desagerpenaren albistea Berria egunkarian.[Betiko hautsitako esteka]
- ↑ ETAren oharra Gara egunkarian.
- ↑ Manifestazioaren deialdia Berrian[Betiko hautsitako esteka]
- ↑ Un cuerpo policial español habría enterrado a Jon Anza en suelo francés
- ↑ Espainiako Poliziaren talde bati egozten diote Jon Anzaren bahiketa kazeta.info
- ↑ Jacques Massey kazetariak Jon Anzaren desagerpenari buruz idatzi duena kazeta.info
- ↑ (Gaztelaniaz) «La Audiencia Nacional investigará la desaparición del etarra Anza» El Mundo (Noiz kontsultatua: 2010-02-09).
Kanpo estekak
[aldatu | aldatu iturburu kodea] |
Wikimedia Commonsen badira fitxategi gehiago, gai hau dutenak: Jon Anza  |
- (Gaztelaniaz) Caso Anza
- Jon Anza kasua hedabideetan eta sarean zuzeu.com
- Bost urte ondoren, egia bahiturik dago Berria 2014.04.17
| Autoritate kontrola |
|
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
