Joan Batista Agirre
- Artikulu hau idazle asteasuarrari buruzkoa da; beste esanahietarako, ikus «Agirre».
| Joan Batista Agirre | |
|---|---|
| Bizitza | |
| Jaiotza | Asteasu, 1742 |
| Herrialdea |  Gipuzkoa, Euskal Herria |
| Heriotza | Asteasu, 1823ko maiatzaren 17a (80/81 urte) |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | idazlea |
 | |
Joan Batista Agirre Elola, askotan Agirre Asteasukoa bezala aipatua, [1] (Asteasu, Gipuzkoa, 1742 - ib., 1823ko maiatzaren 17a) euskal idazlea izan zen.
Bizitza
[aldatu | aldatu iturburu kodea]._Parrokia-elizako_dorrea_572.jpg)
Apaiz egin ondoren, bere herriko parrokoa izan zen bizitza guztian. Hari buruz gauza gutxi dakigun arren, jakina da garaiko zenbait euskaltzalerekin harremanak izan zituela, hala nola Juan Antonio Mogelekin.
Hizkuntzaren maisutzat jotzen da, «agian, 1880 urte aurreko gipuzkoar idazle zaharretarik onena» (Villasante, 1979, 224. or.).
Obra
[aldatu | aldatu iturburu kodea]Idazkiak: Confesioco eta Comunioco Sacramentuen gañean Eracusaldiac, lenvizico Comunioraco prestatu bear diran Aurrentzat, eta bidez Cristau acientzat ere bai, Tolosa, 1803. Kristaubide aski luze hori (400 orri) oso erabilia izan da Gipuzkoan, behin eta berriro argitaratu baita.
Agirreren bigarren liburuan haren sermoiak biltzen dira: beraien ondoren, latinezko ohar ugari dakartzate. Obra hori[2] hiru liburukik osatzen dute:
- Jesu Cristoc bere Elizari utzi ciozcan zazpi Sacramentuen gañean Eracusaldiac;
- Jaungoicoaren Legueco Amar Aguinteen gañean Eracusaldiac;
- Jesucristo eta Virgiña chit Santaren Misterioen, eta beste cembait gaucen gañean Eracusaldiac.
Tolosan argitaratu zen, Agirre hil eta 27 urtera, 1850ean.
Gipuzkeraz idatziak dira, Goierri eta Beterriko hizkeretatik bietatik duen hizkuntzan.
Idazlanen zerrenda
[aldatu | aldatu iturburu kodea]Erlijioa
[aldatu | aldatu iturburu kodea]- Confesioco eta Comunioco Sacramentuen gañean Erakusaldiac lenvicico Comunioraco prestatu bear diran Aurrentzat, eta bidez Cristau acientzat ere bai (1803, F. Lama)
- Jesu-Cristoc bere Elizari utzi ciozcan Zazpi Sacramentuen gañean Erakusaldiac (1850, A. Gorosabel)
- Jaungoicoaren Legueco Amar Aguinteen gañean Erakusaldiac (1860, A. Gorosabel)
- Jesucristo eta Virgiña chit Santaren Misterioen eta beste cembait gaucen gañean Erakusaldiac (1850, A. Gorosabel).
Agirre Asteasukoaren obraren zatiak, edizio kritiko formatuan, XX. mendearen amaiera aldera argitaratu egin dira Inazio Mujika Iraola[3] eta Fidel Altunaren[4] eskutik.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011-12-27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- ↑ EIMA: Eskola-liburuetako onomastikaren, gertaera historikoen eta artelanen izenak. Zerrendak.
- ↑ «Erakusaldiak - Antologia - AGIRRE Joan Batista, 1999: 9788483314074 -» www.abebooks.com (Noiz kontsultatua: 2023-07-06).
- ↑ «Arpoi baten eran, AGIRRE, Joan Batista, (1996) ISBN: 9788488669377» www.abebooks.com (Noiz kontsultatua: 2023-07-06).
- ↑ «Erakusaldiak - Antologia - AGIRRE Joan Batista, 1999: 9788483314074» www.abebooks.com (Noiz kontsultatua: 2023-07-06).
Kanpo loturak
[aldatu | aldatu iturburu kodea]- «Joan Batista Agirre», Literaturaren Zubitegia.
| Autoritate kontrola |
|
|---|
Datuak: Q11929259
Text is available under the CC BY-SA 4.0 license; additional terms may apply.
Images, videos and audio are available under their respective licenses.
