Ionel Valentin Vlad
Bizitza
Jaiotza	Bukarest, 1943ko irailaren 22a
Herrialdea	Errumania
Heriotza	Bukarest, 2017ko abenduaren 24a (74 urte)
Hobiratze lekua	Belluko hilerria
Hezkuntza
Hizkuntzak	errumaniera
Jarduerak
Jarduerak	ingeniaria eta fisikaria
Jasotako sariak	ikusi Order of Honour
Sinesmenak eta ideologia
Erlijioa	Erromatar Eliza Katolikoa

Ionel Valentin Vlad (Bukarest, Errumania, 1943ko irailaren 22a - 2017ko abenduaren 24a) errumaniar ingeniari eta fisikaria zen. Errumaniako Akademiako kide zen 1991ko martxoaren 9az geroztik, hasieran kide urgazle eta 2009ko uztailaren 7az geroztik kide oso. Gainera, 2010eko apirilaren 27an Akademiako zuzendariorde izendatu zuten eta 2014ko apirilaren 8tik hil zenera arte Akademiako zuzendaria izan zen.

Optika ez-lineala, nanofotonika, informazio optikoaren prozesamendua, holografia eta irudikatzeko laserdun tresna optikoak izan zituen ikerketa ardatz.^[1]

Bukaresteko Titu Maiorescu - I.L. Caragiale ikastetxean ikasi zuen. 1961etik 1966ra Bukaresteko Institutu Politeknikoko Elektronika eta Telekomunikazio Fakultatean ikasi zuen. Gero, Bukaresteko Unibertsitateko Fisika Fakultatean graduondoko ikasketak egin zituen. Ondoren Parisa joan zen Paris 6 Unibertsitatera joan zen laserrei eta holografiari buruzko ikasketak jarraitzera eta 1969tik 1970era bitartean Frantziako Conférence des grandes écoles erakundera. 1972an Gheorghe Cartianu-Popescu doktorearen gidaritzapean landu zuen Informazioa prozesatzeko metodoak holografia konbentzionalean eta denbora errealeko holografian (errumanieraz: Metode de prelucrare a informației în holografia convențională și în timp real, ingelesez: Methods of information processing in conventional and real-time holography) izenburuko doktore-tesia aurkeztuta elektronika eta telekomunikazio doktore bilakatu zen.^[1]