Hil Kanpaiak
| Hil Kanpaiak | |
|---|---|
| Jatorria | |
| Argitaratze-data | 2020 |
| Izenburua | Hil Kanpaiak |
| Jatorrizko hizkuntza | euskara |
| Jatorrizko herrialdea | Euskal Herria |
| Ezaugarriak | |
| Genero artistikoa | misteriozko zinema eta thrillerra |
| Iraupena | 95 minutu |
| Deskribapena | |
| Oinarritua | 33 ezkil |
| Zuzendaritza eta gidoia | |
| Zuzendaria(k) | Imanol Rayo |
| Gidoigilea(k) | Joanes Urkixo |
| Antzezlea(k) | |
   | |
Hil Kanpaiak Imanol Rayo zuzendariaren 2020ko euskarazko misteriozko filma da, Miren Gorrotxategiren 33 ezkil eleberrian oinarritua. Abra Prodek ekoitzia, 2 milioi eurotako aurrekontua zuen eta Eusko Jaurlaritzaren zein Nafarroako Gobernuaren diru-laguntza jaso zuen. Joanes Urkixo arduratu zen gidoiaz, eta Barton Films banaketaz.
Aktore nagusiak Eneko Sagardoy, Itziar Ituño eta Yon González dira. Hauekin batera Josean Bengoetxea, Itsaso Arana, Asier Hernandez, Iñigo Aranburu, Ander Azurmendi, Dorleta Urretabizkaia eta Kandido Uranga ageri dira paper sekundarioetan.
Filmaren grabaketa 2019ko irailean hasi zen, eta 7 astez luzatzea aurreikusten da, Nafarroako zein Gipuzkoako zenbait herritan grabatuz.[1] Hego Euskal Herriko zinemetan 2020ko azaroaren 20an estreinatu zuten.[2]
Sinopsia
[aldatu | aldatu iturburu kodea]Gerizmendi deituriko baserri bat da guztiaren epizentro; izan ere, giza hezur batzuen arrastoak agertuko dira egun batean. Nola jokatu jakin ez, eta Fermin eta Karmen senar-emazteek Nestor semeari deitzea erabakiko dute; eta Nestorrek, Ertzaintzari. Baina Ertzaintza heltzerako, desagertu egingo dira hezurren arrastoak.[2]
Aktoreak eta pertsonaiak
[aldatu | aldatu iturburu kodea]- Eneko Sagardoyː Nestor Araia
- Eneko Sagardoyk Aitor, Nestorren anaia bikia, ere antzezten du.
- Itziar Ituñoː Karmen.
- Yon Gonzalezː Luis Kortazar.
- Josean Bengoetxea: Abel.
- Itsaso Arana: Berta.
- Asier Hernandez: Estanis Araia.
- Iñigo Aranburuː Fermin Araia.
- Ander Azurmendi
- Dorleta Urretabizkaiaː Miren Ezpeleta ertzaina.
- Kandido Uranga: herriko apaiza.
- Patricia López Arnaiz
- Andrés Gertrúdix
- Patxi Santamaria
- Sara Cozar
- Mikele Arizkorreta
- Nerea Mazo: Karmen (gaztetan).
Erreferentziak
[aldatu | aldatu iturburu kodea]- ↑ (Gaztelaniaz) «Hil-Kanpaiak (Campanadas a muerto)» Academia de cine (Noiz kontsultatua: 2019-10-06).
- ↑ a b «Kanpai hotsa mendeku goseari» Berria 2020-11-14 CC BY-SA 4.0 lizentziapean.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q67819639
Text is available under the CC BY-SA 4.0 license; additional terms may apply.
Images, videos and audio are available under their respective licenses.
