Hezbolako gailu elektronikoen leherketak (2024)
Hezbolako gailu elektronikoen leherketak | |
---|---|
Mota | talde : leherketa security breach (en) atentatu gerra krimen |
Honen parte da | Israel eta Libanoren arteko mugako gerra istiluak (2023-2024) |
Denbora-tarte | 2024ko irailaren 17a - |
Kokaleku | Libano Siria |
Helburu | Hezbola |
Pertsona hilak | 37 (2024ko irailaren 19a) |
Pertsona zaurituak | 2.931 (2024ko irailaren 19a) |
Erantzule | Israel Mossad |
Arma | pertsona-bilagailu walkie-talkie |
Komunikabide | |
Hezbolako gailu elektronikoen leherketak erakunde horren kontrako ekintza bortitzen multzo sinkronizatu bat izan ziren, Israelen eta Libanoren arteko mugako gatazkan jazoa. Libanon, 2024ko irailaren 17eta 18an hasi zen. Hezbola Libanoko talde xiitako kideek elkarrekin komunikatzeko erabiltzen dituzten hainbat pertsona-bilagailuk eta komunikazio-irratik eztanda egin zuten.
Tresnen eztandek 2.800 lagun baino gehiago zauritu eta gutxienez 37 lagun hil zituzten;[2] biktima gehienak Hezbolako kideak ziren, baina tartean bi haur hil zituzten, eta larrialdi-zerbitzuetako kideak eta bestelako boluntario batzuk zauritu.[3] Libanoko Gobernuak eta talde xiitak Israeli leporatzen diote erasoa. Erasoa 2023-2024ko Israel-Palestina gerraren barruko beste gertaera bat dirudi.[4]
Gertaerak
[aldatu | aldatu iturburu kodea]Eztandak bi egun eman ziren, irailaren 17 eta 18an. Egun horretan, Hezbollako ehunka kide larri zauritu ziren Libanon zehar kokagune ugaritan, pertsona-bilatzaile gailueek ustekabean eztanda egin zutenean. Dirudienez, aparatuek eztanda baino zenbait segundo lehenago jo zuten, hartzaileak erantzuteko aukera handitzeko, eta, horrela, lesioak izateko aukera indartzeko. Eztandak Hezbollak presentzia duen tokietan eman ziren, Beiruteko Dahieh auzoa barne, Libano Hegoladean eta Bekaa Haranean. Damaskon ere eman ziren eztandak.
Leherketek hasierako eztandetatik 30 minutura arte iraun zuten; horrek ondoriozko kaosa areagotu egin zuen. Lekukoek jakinarazi zuten hainbat pertsona odoletan ikusi zituztela leherketen ondorioetan izandako zauriengatik. Lehen eraso honetan 14 pertsona hil ziren (tartean neskatxa bat), 2800 zauritu ziren eta horietatil 1800 ospitaletan daude.[5]
Hasierako leherketak gertatu eta 24 ordura, lehergailuen bigarren bolada bat gertatu zen Libanon. Hezbollahek irrati eramangarriak zirela esan zuen, ICOM-IC-V82 walkie talkiak alegia. Leherketek ere suteak eragin zituzten etxebizitzetan.[6] Bigarren egun horretan 20 eta 25 hildako artean eta 450 zauritu gertatu ziren, agentzien arabera. Eztandak indartsuagoak izan ziren.[7][8]
Lehergailuak
[aldatu | aldatu iturburu kodea]Israelek Hezbolako militanteak «kontrolatu ez zitzan» hasi zen bilagailuak erabiltzen talde armatua, modu horretan «seguruagoa» izango zelakoan. Haien nahia zen Israelgo informazio zerbitzuak ez sartzea euren komunikazioan, eta non zeuden ez jakitea. Segurtasun neurri gisa zeukaten hori, ez beste teknologiarik ez zegoelako. Hezbolak uste zuen seguruago zeudela horrela. Haatik, Israelgo informazio zerbitzuak (Mossad) konturatu ziren Sirian eta Libanon pertsona-bilagailuak erabiltzen zituztela, eta aurkitu zuten modua pertsona-bilagailuen baterian esku hartzeko.[9]
Libanoko goi segurtasun-iturri batek Reuters albiste-agentziari jakinarazi zionez, Mosad espioitza agentzia israeldarrak lehergailu kopuru txiki bat jarri zuen Taiwanen fabrikatutako 5.000 pertsona-bilatzaileren barruan.[10] Libanora iritsi baino lehen manipulatu zituzten pertsonen bilatzaileak, funtzionario batzuen arabera. Gehienak AR924 modelokoak ziren, baina bidalketan Gold Apolloren beste hiru modelo ere sartu ziren. Mezu kodetu batek aldi berean aktibatuko zituen lehergailuak.[11][12]
Elijah Magnierrek Al Jazeerari esan zion Libanoko iturriek Hezbolak eztanda egin ez zuten pertsonen bilaketari buruz egindako hasierako ikerketen xehetasunak partekatu zituztela. Ikerketa horiek iradokitzen dute Israelek 1-3 gramo Pentaeritritol tetranitrato (pent) lehergai indartsu bat jarri zuela gailu bakoitzean.[13]
Erreferentziak
[aldatu | aldatu iturburu kodea]- ↑ "Associated Press". «Hezbollah hit by a wave of exploding pagers in Lebanon and Syria. At least 9 dead, hundreds injured 2023/09/17» Associated Press (Noiz kontsultatua: 2024-09-20).
- ↑ https://www.naiz.eus/eu/info/noticia/20240919/nasralah-admite-el-dano-de-un-golpe-que-cruza-todas-las-linea-rojas-y-se-prepara-para-lo-peor
- ↑ Lopez, Axier. «Inoiz ikusi gabeko atentatuak Libanon. Nola eta zergatik?» Argia 2024-09-19 (Noiz kontsultatua: 2024-09-19).
- ↑ https://www.berria.eus/mundua/hezbollahko-milaka-kideren-pertsona-bilagailuek-eztanda-egin-dute_2130679_102.html
- ↑ https://es.euronews.com/2024/09/18/nuevas-explosiones-en-libano-ahora-de-radios-portatiles-y-walkie-talkies-de-hezbola
- ↑ https://www.mtv.com.lb/News/مباشر/1485469/بالص-ورة--الأجهزة-التي-انفجرت-هي-من-نوع-icom-v82
- ↑ https://www.naiz.eus/eu/info/noticia/20240918/nueva-cadena-de-explosiones-en-libano
- ↑ https://www.bbc.com/mundo/articles/cwy9g765630o
- ↑ https://www.berria.eus/mundua/susmoa-da-israelek-gailu-horietako-bakoitzean-lehergai-gramo-batzuk-sartzea-lortu-zuela_2130727_102.html
- ↑ https://www.timesofisrael.com/liveblog_entry/senior-lebanese-security-source-mossad-injected-explosive-material-into-the-pagers/
- ↑ https://www.reuters.com/world/middle-east/israel-planted-explosives-hezbollahs-taiwan-made-pagers-sources-say-2024-09-18/
- ↑ https://www.nytimes.com/2024/09/17/world/middleeast/israel-hezbollah-pagers-explosives.html
- ↑ https://www.aljazeera.com/news/2024/9/18/how-did-hezbollah-get-the-pagers-that-exploded-in-lebanon
Kanpo estekak
[aldatu | aldatu iturburu kodea]Text is available under the CC BY-SA 4.0 license; additional terms may apply.
Images, videos and audio are available under their respective licenses.