Aintzioa
Nafarroa Garaia, Euskal Herria
Aintzioko ikuspegi gainetik
Armarria
Kokapena
Herrialdea	Nafarroa Garaia
Eskualdea	Pirinioak
Udalerria	Erroibar
Administrazioa
Mota	kontzeju
Izen ofiziala	Aintzioa
Burua (2019-2023)	Denis Goiena Raton (kontzejuburua)
Posta kodea	31697
Herritarra	aintzioar, antxuar, antxoar
Geografia
Koordenatuak	42°55′10″N 1°25′25″W / 42.91944°N 1.42361°W / 42.91944; -1.42361
Azalera	7,97 km²
Garaiera	1004 metro
Distantzia	34,8 km (Iruñetik)
Demografia
Biztanleria	21 (2020)

Aintzioa^[1][a] (erroibarreraz: Antxua edo Antxoa)^[b] Erroibar ibarreko kontzeju bat da, Euskal Herriko Nafarroa Garaia lurraldean kokatuta, Pirinioak eskualdean.

2020 urtean 21 biztanle zituen.

Bertako biztanleak aintzioarrak (erroibarreraz: antxuar edo antxoar) dira.

Aintzioa, Antxua edo Antxoa toponimoa hainbat modutan agertu da historian zehar:^[2]

• Ançioa (1240)
• Aincioa (1268)
• Ancyoa (1274)
• Ancio (1275)
• Aincioa (1276)
• Aynçoa (1366)
• Aynçioa (1428)
• Ayncioa (1591)
• Anicioa (1829)
• Anzioa (1966)
• Aintzioa (1996)

Aintzioa toponimoa euskara batuan "aintzira", "zingira" edo "lokatza" bezala ezagutzen den tokiko forma da.

Aintzioko armarriak honako blasoi hau du:^[3]

Aintzioa Erroiberran dago.

Erroiberraren azalera handia dela eta bi klima ezberdin daude, iparraldeko klima azpiatlantiarra, pagadi ugari eta urte osoko prezipitazioekin, eta hegoaldeko klima azpimediterraneoa, basa pinuekin eta uda garaiko bi hilabete idorrekin. Urteko batez besteko prezipitazioak 1 200 mm dira hegoaldean, eta 2 000 mm ibarraren iparraldean. Batez besteko tenperatura 7 eta 10 gradu bitartekoa da.

Urteroko egun euritsuak 120 izaten dira ibarraren hegoaldean eta 140-150 egun iparraldean. Gunerik menditsuenetan egun euritsuak 150 baino gehiago izan daitezke.

Erroiberran dagoen Aurizperri kontzejuan, itsasoaren mailatik 871 metrora, Nafarroako Gobernuak 1972an jarritako estazio meteorologikoa dago. ^[4] Gainera, 1975an, beste estazio meteorologiko bat inauguratu zen Erro kontzejuan, itsasoaren mailatik 672 metrora.^[5] Erroko estazioa da Aintziorako balio egokienak ematen dituena, hurbilen dagoena baita.

Datu klimatikoak (Erro, 1975-2020)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	18.0	21.0	23.0	26.0	32.0	37.0	39.0	40.0	36.0	28.0	22.0	20.0	40.0
Batez besteko tenperatura maximoa (°C)	6.8	7.9	11.0	12.8	17.4	21.5	24.2	24.7	21.1	16.4	10.6	7.6	15.2
Batez besteko tenperatura (ºC)	2.8	3.4	6.0	7.7	11.7	15.6	18.0	18.1	14.7	11.0	6.5	3.6	9.9
Batez besteko tenperatura minimoa (°C)	-1.3	-1.1	1.1	2.6	6.1	9.6	11.8	11.6	8.2	5.6	2.3	-0.5	4.7
Erregistraturiko tenperatura minimoa (°C)	-9.2	-8.1	-5.0	-2.5	0.0	3.1	5.7	4.8	1.8	-1.4	-5.0	-8.3	-2.0
Batez besteko prezipitazioa (mm)	134.1	121.5	116.4	142.7	102.5	63.9	53.6	52.8	81.4	123.0	156.3	153.4	1301.6
Prezipitazio maximoa 24 ordutan (mm)	71.5	63.5	67.4	59.9	60.0	60.0	61.3	100.0	110.0	86.8	83.5	88.0	110.0
Prezipitazio egunak (≥ 1 mm)	13.5	11.9	12.4	15.1	14.6	9.8	7.0	7.6	9.3	13.1	14.2	14.4	142.8
Elur egunak (≥ 1 mm)	3.0	4.0	3.0	2.1	0.3	0.0	0.0	0.0	0.0	0.1	1.4	2.1	15.9
Iturria: Nafarroako klimatologia zerbitzua[6]

Herriak kale bakarra ditu:^[7]

• Done Eztebe karrika

Herriak 28 etxe ditu:^[7]

Errege hiribildu bezala, 1240an jada aipatua, koroari paparrak ordaintzen zizkion diruz, garagarrez eta oloz. Orreagako Santa Mariak ondasunak eskuratu zituen 1313an.

Erroibarko tokia izanik, 1802an, jurisdikzio zibila, Erroko kondesak izendatzen zuen haraneko alkateak egikaritzen zuen, jurisdikzio "ekonomikoa" haranak aukeratutako diputatuen eta herriko erregidoreen ardurapean zegoen bitartean, hauek, auzokoen artean txandakatuz izendatzen zirelarik. 1849an 160 labore lapurtu zizkioten. 1920ko hamarkadan, ibarreko beste toki batzuetan bezala, Aintzioan koilarak eta egurrezko sardexkak, kaikuak, txokeak eta antzeko beste objektu batzuk egiten ziren.

2020 urteko erroldaren arabera 21 biztanle zituen Aintzioak.^[8]

Aintzioko kontzejua kontzejuburuak osatzen dute. Egungo kontzejuburua Denis Goiena Raton da.

Aintzioko kontzejua kontzejuburuak osatzen dute, demokratikoki hautatua. Kontzejuburua Denis Goiena Raton da.

2011tik, Aintzioak 3 kontzejuburu izan ditu:

Luis Luziano Bonapartek, 1869an, Erroibarko herri guztiak sailkatu zituen, hegoaldeko goi-nafarrera euskalkian, Pirinio ibarretik Esteribar eta Artzibar ibarrekin hitz egiten zena.^[9]

Koldo Zuazok, 2010ean, Erroiberrak nafarrera euskalkian sailkatu zituen.^[10]

Aintzioko azpieuskalkia erroibarrera da, eta, zehazki, Hegoerroibartar aldaera.^[11]

Nafarroako Gobernuak onartutako Euskararen Foru Legeari jarraituz, Erroibar eremu euskalduneko udalerria da. 2001eko erroldan, herritarren % 24,01ek zekien euskaraz.

• Done Eztebeko jaiak: urriaren lehen asteburuan

• Done Eztebeko eliza, XIII. mendeko kristiau eliza.

1. ↑ /aint͡s̻ió.a/ ahoskatua (laguntza)
   Azentua: zorrotza bigarren silaban
2. ↑ /ant͡ʃú.a/ edo /ant͡ʃó.a/ ahoskatua (laguntza)
   Azentua: zorrotza bigarren silaban

• Erroibar
• Pirinioak
• Zangozako merindadea
• Nafarroa Garaia

• Erroibarko Udalako webgune ofiziala

i e a   Erroibar
Kontzejuak	Aintzioa • Aurizperri • Bizkarreta • Erro • Esnotz • Lintzoain • Mezkiritz • Orondritz • Zilbeti
Lekuak	Ardaitz • Loizu
Etxaldeak	Sorogain • Ureta • Urniza
Herri hustuak	Astigarreta • Gurbizar • Larraingoa • Oiaide • Orosa • Orosurgi