Villars-Epeney
Villars-Epeney | |
---|---|
![]() | |
Blazono de Villars-Epeney | |
Villars-Epeney | |
komunumo en Svislando | |
Kantono | Vaŭdo |
Distrikto | Vaŭda Nordĵuraso |
Koordinatoj | 46° 46′ 51″ N 6° 41′ 48″ O / 46.78083 °N, 6.69667 °O (mapo)Koordinatoj: 46° 46′ 51″ N 6° 41′ 48″ O / 46.78083 °N, 6.69667 °O (mapo) |
Nombro de loĝantoj | 79 |
Areo | 0,86 km² |
Alteco | 548 m super marnivelo |
Poŝtkodo | 1404 |
Komunumkodo | 5935 |
![]() | |
Situa mapo de Villars-Epeney | |
Villars-Epeney estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 79 loĝantojn je la 31-a de decembro 2012.
Geografio
[redakti | redakti fonton]La malgranda kampara komunumo Villars-Epeney situas sur la molasaj montetoj de la Vaŭda Mezlando du kilometrojn sude de la Lago de Neŭŝatelo inter la baseno de la lago en nordo kaj la valo de la rivereto Mentue en sudo. La komunumo konsistas el la vilaĝo Villars-Epeney kaj kelkaj izolitaj bienoj.[1]
La teritorio de la komunumo etendiĝas sur areo de 0,86 km², de kiuj 16,1% estas kovritaj de arbaro, 77,0% servas por agrikulturo kaj 5,7% por setlado. [2]
Najbaraj komunumoj
[redakti | redakti fonton]La komunumo Villars-Epeney limas en okcidento kaj nordo al Cheseaux-Noréaz, en oriento al Yvonand, kaj en sudo al Cuarny.
Trafiko
[redakti | redakti fonton]La komunumo Villars-Epeney situas flanke de la gravaj trafikvojoj. Tra la komunumo kondukas flanka konekta vojo de Cheseaux-Noréaz al La Maugettaz. La plej proksima alveturejo al la svisa aŭtovojo A1 situas proksimume 4 kilometrojn okcidente de la komunumo apud Yverdon-les-Bains. Pere de poŝtaŭtolinio de Yverdon-les-Bains tra Cheseaux-Noréaz al Cuarny la komunumo estas konektita al la publika transportreto.
Historio
[redakti | redakti fonton]La unua dokumenta mencio de Villars-Epeney datiĝas el la jaro 1177 kiel Espiney. La tiama mencio temis pri la samnoma rojo. En la jaro 1549 estis menciita la vilaĝo kiel Villars-Espiney. En antaŭa tempo ankaŭ la nomo Villars-Roulier estis uzita. Dum mezepoko Villars-Epeney apartenis al la Abatejo Hautcrêt kaj la kulmina rifuĝejo Granda Sankt-Bernardo. Sub la berna regado ek de 1536 la vilaĝo apartenis al la komunumo Yvonand en la Voktejo Yverdon. En la jaro 1765 la berna registaro donis al ĝi la statuson de komunumo. Post la Helveta Revolucio de 1798 ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.[3]
Vidu ankaŭ
[redakti | redakti fonton]- Aliaj lokoj kun la nomo Villars
Notoj kaj referencoj
[redakti | redakti fonton]- ↑ Fonto: Reta mapo 1:20000 de Swisstopo Arkivigite je 2013-11-09 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Philippe Heubi: Villars-Epeney en Historia Leksikono de Svislando (2012-01-26)
Eksteraj ligiloj
[redakti | redakti fonton]- Vidu ankaŭ en la Vikimedia Komunejo la kategorion Villars-Epeney – (Kolekto de bildoj kaj plurmediaj dosieroj)
Bildoj
[redakti | redakti fonton]-
Tombejo
-
Rigardo al la vilaĝo
-
Vilaĝa centro
-
Kamparana domo en la vilaĝa centro
-
Rigardo al la Lago de Neŭŝatelo
Text is available under the CC BY-SA 4.0 license; additional terms may apply.
Images, videos and audio are available under their respective licenses.