Partio Verduloj (antaŭe: Verduloj 2004) (pole Partia Zieloni, antaŭe Zieloni 2004) estas politika partio en Pollando kun pro-ekologia, pacisma kaj feminisma karaktero.

Kunprezidantoj de Verduloj estas Małgorzata Tracz (ekde majo 2015) kaj Marek Kossakowski (ekde februaro 2016). En la lokaj balotoj kiuj okazis en Pollando la 21-an de novembro 2010 unuafoje estis elektitaj kiel deputitoj kvin membroj de la partio. La partio havas reprezentanton en la pola parlamento: Anna Grodzka (ekde junio 2014). La partio ne havas reprezentantojn en la Eŭropa Parlamento.

Verduloj 2004 estis fondita la 6-an de septembro 2003 fare de aktivuloj de diversaj organizaĵoj, interalie ekologiaj, feminismaj, hom-rajtaj kaj protektantaj la rajtojn de seksaj, religiaj kaj naciaj minoritatoj. La partio estis oficiale registrita la 23-an de februaro 2004.

La politika programo de Verduloj 2004 baziĝas sur la verda politiko. La partio postulas interalie:

• disigon de la Eklezio kaj religiaj asocioj kun ŝtato;
• rajton de virinoj por laŭleĝa interrompo de gravedeco;
• enkondukon de registrita partnereco, atingebla same por samseksaj kaj aliseksaj paroj;
• drogan politikon, kiu estu bazita sur edukado kaj prevento, kaj ne puno;
• tenadon de ŝtata klerigado kaj sanservo;
• retiron de la pola armeo el Afganio.

Ili kontraŭas mortpunon, enkondukon de la plata imposto kaj konstruadon de la elementoj de la usonaj kontraŭ-raketaj instalaĵoj en Pollando.

La ekonomia programo de la partio baziĝas sur la koncepto de la ekologia kaj socia merkata ekonomio, do enkonduko de daŭripovo.

La partio gvidas multajn politikajn kampanjojn, interiale Verda urbo, Verda energio, Verda ekonomio, Haltigu klimatŝanĝiĝojn, Verda transporto, Egalaj ŝancoj, Manĝu pli bone!.

Partio Verduloj estas membro de la Eŭropa Verda Partio, kiu fondiĝis en februaro 2004 en Romo. Sur eŭropa nivelo, ekzemple en la parlamento kaj gvida komisiono de la Eŭropa Unio, la partio estas parto de la transnacia Eŭropa Verda Partio kaj de la parlamenta Frakcio de la Verduloj kaj Eŭropa Libera Alianco.

Ekde la fondiĝo de la partio ĝi estas gvidata ĉiam samtempe de du prezidantoj – unu virino kaj unu viro (ĝis marto 2008 ili estis nomataj "kunprezidantoj").

(Kun)prezidantinoj:

• Magdalena Mosiewicz – ekde 2003 ĝis marto 2008
• Agnieszka Grzybek – ekde marto 2008 ĝis aprilo 2010
• Małgorzata Tkacz-Janik – ekde aprilo 2010 ĝis decembro 2011
• Agnieszka Grzybek – ekde decembro 2011 ĝis majo 2015
• Małgorzata Tracz – ekde majo 2015

Viraj (kun)prezidantoj:

• Jacek Bożek – ekde 2003 ĝis novembro 2004
• Dariusz Szwed – ekde novembro 2004 ĝis decembro 2011
• Radosław Gawlik – ekde decembro 2011 ĝis marto 2013
• Adam Ostolski – ekde marto 2013 ĝis februaro 2016
• Marek Kossakowski – ekde februaro 2016

• Anna Grodzka

• Oficiala retpaĝo de Zieloni 2004 pole

v • d • r Eŭropa Verda Partio  Albanio Te Gjelberit •  Andoro Verduloj de Andoro •  Aŭstrio La Verduloj – La Verda Alternativo •  Belorusio Belorusia Partio "La Verduloj" •  Belgio Verde! (Flandrio kaj Bruselo) • Ecolo (Valonio, Germanlingva Belgio kaj Bruselo) •  Bosnio kaj Hercegovino Verduloj de Bosnio kaj Hercegovino •  Britio Verda Partio de Anglio kaj Kimrio (Kimra Verda Partio) • Verda Partio en Nord-Irlando • Skota Verda Partio •  Bulgario Verda Partio de Bulgario •  Ĉeĥio Verda Partio •  Danio La Verduloj • Socialista Popola Partio •  Estonio Estoniaj Verduloj •  Finnlando Verda Ligo •  Francio La Verduloj (Francio) •  Germanio Alianco '90/La Verduloj •  Grekio Ekologiistaj Verduloj •  Hispanio Iniciativo por Katalunio - Verduloj •  Hungario Politiko Povas Esti Malsama •  Irlando Verda Partio •  Italio Federacio de la Verduloj •  Kartvelio Kartveliaj Verduloj •  Kipro Ekologia kaj Media Movado •  Kroatio Verda Listo de Kroatio •  Kosovo Verda Partio de Kosovo •  Latvio Latvia Verda Partio •  Luksemburgo La Verduloj •  Malto Alternativo Demokratia •  Moldavio Partio Ekologiista Verda de Moldavio •  Montenegro Verduloj de Montenegro •  Nederlando La Verduloj • Verdo-Maldekstro •  Norvegio Ekologia Partio La Verduloj (Norvegio) •  Pollando Verduloj 2004 •  Portugalio Ekologiista Partio "La Verduloj" •  Rumanio Partio Verda de Rumanio •  Rusio Verda Alternativo • Unuiĝo de Rusiaj Verduloj •  Serbio Verduloj de Serbio •  Slovakio Partio Verda en Slovakio •  Slovenio Junulara Partio de Slovenio •  Svedio Ekologia Partio La Verduloj •   Svislando Verda Partio de Svislando •  Turkio Verduloj de Turkio •  Ukrainio Verduloj de Ukrainio • Junulara asocio: Federacio de Junaj Eŭropaj Verduloj Kursive skribitaj partioj estas ne membroj, sed observantoj de la Eŭropa Verda Partio