Svitava
Svitava inter Bílovice kaj Brno
rivero
Bazaj informoj
Longeco	97,3 km
Akvokolekta areo	1 146,9 km²
Averaĝa trafluo	5,4 m³/s
Fluo
- Alteco super marnivelo	465 m
Enfluejo	Svratka
- Alteco	192 m
Geografio
Alfluantoj	Vendolský rivereto (d.), Hynčinka (md.), Bělský rivereto (d.), Kladorubka (md.), Křetínka (d.), Semíč (md.), Úmoří (d.), Bělá (md.), Býkovka (md.), Punkva (md.), Křtinský rivereto (md.)
Riveroj en Ĉeĥio
v • d • r

Svitava estas rivero en Moravio (Ĉeĥa Respubliko).

Svitava fontas en Třebovská montetaro apud Javorník en regiono Pardubice kaj fluas suden tra la Bohemia-Moravia montetaro. Laŭ la rivero Svitava nomiĝas la urbo Svitavy, kiun la rivero trafluas kaj kiu situas proksime de ĝia fonto. Ĉefdirekto de la rivero estas al sudo. Apud Březová nad Svitavou oni el ĝia baseno deprenas ĉirkaŭ 1000 l/sec da subtera bonkvalita trinkebla akvo kaj per tubaro provizas per ĝi urbon Brno. Malgraŭ tiu ĉi dioplaĉa uza celo la akvo en fluejo kompreneble mankas. En supra parto ĝis Letovice ĝi estas nur mallarĝa rivereto kun multaj kluzoj. En centra parto ĝis Brno ĝi fluas trans bela profunda valo inter krutaj deklivoj. En Brno sur Svitava estas kelkaj altaj kluzoj kaj ene de la urbo la rivero fluas nur tra neinteresa ebena ĉirkaŭaĵo. La maldekstra enfluejo de Svitava en Svratkan troviĝas sude de Brno. La rivero estas navigebla de Moravská Chrastavá en longeco 72 km. Praktike plej multe oni navigas la riveron en ĉirkaŭaĵo de Blansko kaj Adamov.

Svitava fluas tra vilaĝo Javorník, urbo Svitavy, vilaĝoj Hradec nad Svitavou, Radiměř, urbo Březová nad Svitavou, vilaĝoj Brněnec, Rozhraní, Stvolová, Skrchov, urbo Letovice, kampurbo Svitávka, urbo Boskovice, vilaĝoj Skalice nad Svitavou, Lhota Rapotina, Doubravice nad Svitavou, urbo Rájec-Jestřebí, vilaĝoj Spešov, Ráječko, urboj Blansko, Adamov, vilaĝo Bílovice nad Svitavou kaj urbo Brno.

• Stanislav Štefáček:Encyklopedie vodních toků Čech, Moravy a Slezska, Nakladatelství Miloš Uhlíř – Baset, 2008

• urbo Svitavy
• urbo Letovice
• urbo Blansko
• urbo Brno

• 
  Svitava ĉe Adamov
• 
  Svitava inter Bílovice kaj Brno
• 
  Enfluo de Svitava (dekstre) en Svratkan

• Raportprofiloj de inundservo ĉeĥe
• Mapo de fonta regiono apud Javorník
• Mapo de enfluejo en Brno - Přízřenice