Stelaj Militoj Epizodo 4-a: Nova Espero
Filmafiŝo
filmo
Originala titolo	Star Wars Episode IV: A New Hope
Produktadlando	Usono
Originala lingvo	angla lingvo
Kina aperdato	25-a de majo 1977
Daŭro	121 minutoj (originale)
Ĝenro	sciencfikcia fantazio
Kameraado	Gilbert Taylor
Buĝeto	Usona $11.000.000
Reĝisoro(j)	George Lucas
Produktisto(j)	Gary Kurtz
Scenaro	George Lucas
Filmita en	Usono, Tunizio, Gvatemalo
Loko de rakonto	Tatooine • Morta Stelo • Yavin IV
Muziko de	John Williams
Ĉefrolantoj	Mark Hamill Harrison Ford Carrie Fisher Peter Cushing Alec Guinness
Laboratoriaj kaj optikaj efektoj	Industrial Light & Magic
Produktinta firmao	Lucasfilm
Distribuo	20th Century Fox
Honorigoj	Akademia Premio por la Plej Bona Filmoredaktado • Akademia Premio por la Plej Bona Kostumfasonado • Akademia Premio por la Plej Bona Ensceniga Fasonado • Akademia Premio por la Plej Bona Originala Partituro • Akademia Premio por la Plej Bona Sonmiksado • Akademia Premio por la Plej Bona Vida Efektaro • Akademia Premio por Speciala Atingo • Golden Globe Award for Best Original Score • BAFTA Award for Best Original Music • Grammy Award for Best Score Soundtrack for Visual Media • Saturn Award for Best Science Fiction Film • Saturn Award for Best Director • Saturn Award for Best Writing • Saturn Award for Best Supporting Actor • Saturn Award for Best Music • Saturn Award for Best Costume • Saturn Award for Best Make-up • Saturn Award for Best Special Effects • National Board of Review: Top Ten Films • Premio Hugo por la Plej Bona Drama Prezento
IMDb
v • d • r

Star Wars Episode IV: A New Hope (“Stelaj Militoj Epizodo 4-a: Nova Espero”), originale montrita kiel Star Wars, estas sciencfikcia fantazia filmo el 1977 verkita kaj direktita de George Lucas. Ĝi estas la unua el naŭ filmoj faritaj en la Sergio Stelaj Militoj. Tri postaj filmoj antaŭrakontas la internan kronologion de la serio. Inter fervoruloj, la titolo estas ofte mallongigita kiel “ANH”.

Steluloj aperantaj en la filmo inkluzivas Mark Hamill, Harrison Ford, Carrie Fisher, Peter Cushing kaj Alec Guinness.

Antaŭ longa tempo, en fora galaksio, la filmo rakontas pri grupo da liberecbatalantoj, nomataj Ribela Alianco, kiu strebas detrui la kosmostacion de la prema Galaksia Imperio. La intrigo sekvas la rakonton de la juna farmisto Luke Skywalker, kiu neatendite ekrolas kiel heroo, kiam li neintence ekposedas robotojn, kiuj kunportas la planon de la stelstacio. Li devas akompani emeritan militan generalon, Obi-Wan Kenobi por savi la posedanton de la robotoj, princino Leia Organa, liveri la planon al la sekreta stacio de ribeluloj, kaj helpi detrui la spacostacion, antaŭ ol ĝi atingos kaj detruos la ribelulan bazon.

Super la planedo Tatooine, steldestrojero de la Galaksia Imperio pelas korveton de Corellia, Tantive IV, suspektata pri spionado. La princino Leia, senatano de Alderaan en la Imperia Senato, ja sukcesis ŝteli la planojn de la Morta Stelo (Death Star), potenca spaca stacio estrata de Grand Moff Tarkin, lun-granda, havanta armilon kapablan detrui planedon. La princino decidas kontakti Obi-Wan Kenobi, eksan Ĵedaj-kavaliron, kaj konfidas la planon al siaj robotoj C-3PO kaj R2-D2.

Tiuj forfuĝas la ŝipon per savkapsulo kaj iras al Tatooine. Alveninte sur la planedo, ilin kaptas Jawa-oj. Ili estas venditaj al Owen Lars. Luke Skywalker, ties nevo, riparas la robotojn, kaj eltrovas la mesaĝon de la princino Leia. Tiu mesaĝo estas destinita al Obi-Wan Kenobi, kaj Luke divenas, ke fakte temas pri Ben Kenobi, kiu vivas ermite apud Mos Eisley (spac-haveno de Tatooine). Vespere, RD-D2 fuĝas por renkonti al Ben, kaj Luke ekserĉas ĝin sekvamatene. Trovinte la roboton, la grupon atakas rabistoj Tusken (“sablo-homoj”), kaj Obi-Wan savas ilin ĝustatempe.

Poste, Ben decidas iri al Alderaan, la devenplanedo de la princino, kaj malkaŝi al Luke lia potenco pri la “Forto”. Sed ili ne scias, ke Darth Vader serĉas la robotojn, kaj ke Alderaan, pro ordono de Tarkin, estis polvigita de la Morta Stelo. La soldatoj de Vader, kiuj enketis ĝis Luke, atakas kaj mortigas liajn geonklojn. Tial Skywalker decidas iri kun Ben al Mos Eisley por trovi piloton, kiu alportos ilin ĝis Alderaan. Survoje, Luke ekkonas la Forton, universalan povon, kiun povas uzi la Ĵedajoj.

Luke kaj Obi-Wan trovas piloton Han Solo, kaj kunpiloton Chewbacca. Ili ekscias, ke Alderaan estas detruita, kaj imperia ŝipo vidas ilin. Ilia ŝipo, Millenium Falcon, estas kaptita de altira radio, kaj ili estas insiditaj en la spaca stacio. Ben iras malkonekti la altiran radion dum Luke, Han kaj Chewbacca iras liberigi Leian. Reveninte ĉe la Falcon, la grupo eskapas, kaj Luke vidas la morton de Obi-Wan, mortigita per la lumglavo de sia eks-disĉiplo, Vader.

La grupo sukcesas aliri la kaŝejon de la Ribela Alianco por ataki la Mortan Stelon, helpe de la plano de R2-D2. Han foriras por pagi siajn ŝuldojn, dum Luke iras batali la Imperion en batalŝipo. Han revenas lastatempe por helpi al Luke, kiu sukcesas detrui la stacion. Vader, kies ŝipo estis difektita dum la batalo, foriras en spacon.

• Mark Hamill: Luke Skywalker
• Carrie Fisher: Princino Leia Organa
• Harrison Ford: Han Solo
• David Prowse: Darth Vader
• Sir Alec Guinness: Obi-Wan Kenobi
• Peter Cushing: Grand Moff Tarkin
• Anthony Daniels: C-3PO
• Kenny Baker: R2-D2
• Peter Mayhew: Chewbacca
• Phil Brown: Onklo Owen Lars
• Shelagh Fraser: Onklino Beru Lars
• Alex McCrindle: Generalo Dodonna
• Eddie Byrne: Generalo Willard
• Garrick Hagon: Biggs Darklighter
• Denis Lawson: Wedge Antilles
• William Hootkins: Porkins
• Richard LeParmentier: Generalo Motti
• Don Henderson: Generalo Taggi
• Alfie Curtis: Doktoro Evazan

v • d • r Star Wars Unua triopo 1: The Phantom Menace • 2: Attack of the Clones • 3: Revenge of the Sith Dua triopo 4: A New Hope • 5: The Empire Strikes Back • 6: Return of the Jedi Tria triopo 7: The Force Awakens • 8: The Last Jedi • 9: The Rise of Skywalker Wikis Wookieepedia (English) • Vukipedio Wiki (Esperanto)