Sieĝo de Westerplatte – defendo de Militista Stokejo Transŝarĝa (Wojskowa Składnica Tranzytowa) de garnizono (182 soldatoj, en tio 5 oficiroj kaj unu kuracisto) de Pola Militistaro sur la Duoninsulo Westerplatte en Gdansko dum la invado en Pollandon, daŭranta en la tagoj 1a–7a de septembro 1939. Ĝi estas foje konsiderata la unua batalo dum la Dua Mondmilito en Eŭropo.

La garnizono de Westerplatte, kun la tasko defendi sin dum dekkelkaj horoj, sindefendis dum 7 tagoj. Dum la sieĝo estis engaĝitaj miloj de germanaj soldatoj apogitaj de peza artilerio (i.a. haŭbizo-bombkanonoj, kalibro 220 mm), bombaviadiloj plonĝoflugaj Junkers Ju 87 kaj kirasita batalŝipo Schleswig-Holstein. Germanaj militaj ŝipoj pripafis la terenon Westerplatte de la Golfo de Gdansko, tamen ili rezignis ĉar pafarmilaj kugloj transflugis la batalkampon.

• Henryk Sucharski, komandanto de la defendo
• Bombado de Wieluń

• La 25-an de oktobro 1940 en konspira varsovia revuo "Walka" (Batalo) aperis anonime versaĵo de Konstanty Ildefons Gałczyński Kanto pri la soldatoj de Westerplatte, represata en konspira gazetaro kaj antologioj de poezio.
• Dum la 70-a datreveno de la militeksplodo prezidento de Pollando Lech Kaczyński en Westerplatte dum ĉeesto de Angela Merkel kaj Vladimir Putin en 2009 diris, ke Oni ne povas cedi al imperiismo, ne povas cedi eĉ al novimperiismaj inklinoj — kio okazis post la Rusa-kartvela milito kaj antaŭ katastrofo/akcidento de la pola registara aiadilo super Smolensk, kie inter ĉiuj 96 pasaĝeroj pereis 6 polaj generaloj.

• Mariusz Wójtowicz-Podhorski: Westerplatte 1939. Prawdziwa historia (Vesterplatte. Vera historio). Gdańsk 2009. (ISBN 978-83-7237-208-6).

• Vortal Westerplatte
• Westerplatte ankoraŭ defendas sin