Romanus-domo (Lepsiko)
La Romanus-domo (germane: Romanushaus) ĉe la fino de Katharinen-strato en la direkto de Brühl estas la plej impona barokkonstruaĵo de la grandurbo Lepsiko, Germanio.
Historio
[redakti | redakti fonton]Ĝi konstruitis por la urbestro Franz Conrad Romanus. En 1770 aĉetis la vinkomercisto Richter la domon kaj tenadis inter 1772-94 en sep ĉambroj de la dua etaĝo kafejon, kiu iĝis socia centro de la urbo.
Tie ĉi ankaŭ Friedrich Schiller dum la lepsika restado estis plurfoje (1785).
Priskribo
[redakti | redakti fonton]En la angula niĉo videblas Merkuro, dio de la komerco, sabloŝtona plastiko el la skolo ĉirkaŭ Permoser (gipsa kopio).
Nur el la distanco videblas apartaĵo de la domo - la unuetaĝa tegmenta pavilono, belvidejo super la norda fasado kiu ŝajnas esti ĉina tepavilono. La superkonstruaĵo jam forigitis en 1874 sed remetitis en la originalan lokon post la fino de la restaŭradlaboroj en la jaro 1990-a.
Fonto
[redakti | redakti fonton]Mundus, Doris: Leipzig an einem Tag. Ein Stadtrundgang, Eldonejo Lehmstedt, Leipzig 2007 (6-a eldono de 2015), p. 21
Text is available under the CC BY-SA 4.0 license; additional terms may apply.
Images, videos and audio are available under their respective licenses.
