Pakistano en la Olimpikoj
| Pakistano en la Olimpikoj | ||||||||||||
|---|---|---|---|---|---|---|---|---|---|---|---|---|
| ||||||||||||
| Olimpika historio | ||||||||||||
| Someraj Olimpikoj | ||||||||||||
| 1948 · 1952 · 1956 · 1960 · 1964 · 1968 · 1972 · 1976 · 1980 · 1984 · 1988 · 1992 · 1996 · 2000 · 2004 · 2008 · 2012 · 2016 · 2020 · 2024 | ||||||||||||
| Vintraj Olimpikoj | ||||||||||||
| 2010 · 2014 · 2018 · 2022 | ||||||||||||
Pakistanaj sportistoj unue en 1948 en aparta teamo partoprenis olimpikon - antaŭe ili kune kun barataj kaj bangladeŝaj sportistoj konkuris en la olimpika teamo de brita Hindio. Ekde 1948 oficiala pakistana teamo partoprenas la somerajn olimpikojn, kaj ne maltrafis eventon ekde tiam, krom en 1964, kiam la sportistoj unufoje partoprenis en la teamo de Malajzio, kaj en la Somera Olimpiko 1980, kiam la teamo aliĝis al bojkoto de la ludoj en protesto pri la invado de armeaj unuoj de Sovetunio en la landon Afganion najbaran al Pakistano fine de 1979. En vintraj olimpikoj estis po unu aktiva pakistana partoprenanto ekde la Vintra Olimpiko 2010, kaj vintra medalo ankoraŭ ne atingiĝis. Tamen en la someraj olimpikoj la teamoj ne estas sensukcesaj: ĝis inkluzive la olimpiko de 2020, pro la kronvirusa pandemio prokrastita el somero 2021, la teamo sume atingis 
3 orajn, 
3 arĝentajn kaj 
4 bronzajn medalojn. Laŭ tiu stato ĝi havis la 80-an rangon inter ĉiuj partoprenintaj teamoj.
La pakistana vira teamo de hokeo (jen en la olimpiko de 2008, oka rango) inter 1956 kaj 1992 kontribuis 3 orajn, 3 arĝentajn kaj du bronzajn medalojn por Pakistano: preskaŭ ĉiuj pakistanaj medaloj do ekestis tiel. Ke la sukceso ne daŭrigeblis, kaj en 2016 kaj 2020 la pakistana vira teamo de hokeo eĉ ne kvalifikiĝis por la olimpikoj, tial estas aparte malbonŝanciga por la pakistananoj.
La Pakistana Olimpika Asocio (POA, urdue پاکستان اولمپک ایسوسی ایشن) kunordigas la teamojn kiel "nacia olimpika komitato" (NOK) - la organizaĵo estis kreita en 1948 kaj rekonita de la Internacia Olimpika Komitato samjare.
Vidu ankaŭ
[redakti | redakti fonton]Eksteraj ligiloj
[redakti | redakti fonton]Vidu ankaŭ
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
