7-Zip
| 7-Zip | |
|---|---|
| |
|
| |
| 7-Zip en Windows 7 | |
| Programisto | Igor Pavlov |
| Lasta stabila versio | 19.00 (21-a de februaro 2019) |
| Operaciumo | Plursistema: Linukso, Windows, ktp. |
| Programlingvo | C++, C |
| Lingvo(j) | ankaŭ Esperanto |
| Evoluigstato | en evoluo |
| Programtipo | densigilo |
| Permesilo | GNU LGPL (libera programaro) |
| Retejo | http://www.7-zip.org |
7-Zip estas libera programo por (mal)densigado de dosieroj, subtenanta 7z kaj plurajn aliajn pakaĵajn datenaranĝojn.
Menueroj
[redakti | redakti fonton]Eblas alĝustigi la menuerojn al esperanta lingvaĵo per la menuero "Tools" (dua de dekstre) > "Options" (unua tiea submenuero) ĉe la rajdanto (langeto) "Language".
Formatoj
[redakti | redakti fonton]La programo subtenas la jenajn aranĝojn (laŭ sia helpa dosiero):
- 7z
- zip
- gzip
- tar
- bzip2
- rar (nur trarigardi kaj malpaki)
- cab (nur trarigardi kaj malpaki)
- arj (nur trarigardi kaj malpaki)
- z (nur trarigardi kaj malpaki)
- cpio (nur trarigardi kaj malpaki)
- rpm (nur trarigardi kaj malpaki)
- deb (nur trarigardi kaj malpaki)
- lzh (nur trarigardi kaj malpaki)
- split (nur trarigardi kaj malpaki)
- chm (nur trarigardi kaj malpaki)
Variaĵoj kaj rilataj projektoj
[redakti | redakti fonton]Dosieradministrilo
[redakti | redakti fonton]7-Zip por Windows ankaŭ havas facilan dosieradministrilon. Oni povas aktivigi eblon "2 paneloj" kaj 7-Zip fariĝos "Ortodoksa dosieradministrilo".
p7zip
[redakti | redakti fonton]p7zip estas variaĵo de 7z.exe kaj 7za.exe (partoj de 7-Zip krom la dosieradministrilo), kiu estas kunmetebla por uzo ĉe diversaj kaj ne-Vindozaj kaj Vindozaj operaciumoj kaj komputiloj.
Rilataj projektoj
[redakti | redakti fonton]7z, la datumaranĝo uzata de 7-Zip kaj p7zip, ne taŭgas por konservi informojn pri la “posedantoj” de la dosieroj; se oni volas ilin konservi, oni devas uzi ekzemple tar por unue kunmeti la dosierojn kaj tiujn informojn.
Tamen 7-Zip kaj p7zip ne estas destinitaj por tia uzo, kiel estas la densigiloj gzip kaj bzip2 (tiuj ĉi lastaj povas densigadi datumon dum la kunmetado farata de tar-programo, kaj ne konservas la nomon de la tar-dosiero mem; temas ankaŭ pri kongrueco), kaj tial oni ofte uzas aliajn programojn surbaze de la sama algoritmo LZMA. Tiaj programoj inkluzivas iom popularajn jam LZMA Utils’n, kaj ankoraŭ tre novajn lzip’n kaj XZ Utils’n.
AdvanceCOMP
[redakti | redakti fonton]Temas pri programaro por redensigado de dosieroj, kiuj jam estas densigitaj per iu realigo de la algoritmo DEFLATE, pere de la 7-Zip’a realigo de tiu algoritmo. Tiel oni povas akiri pli malgrandajn, sed samsignifajn, versiojn de oniaj PNG’aj, MNG’aj, gzip’aj, ZIP’aj kaj similaj dosieroj.
Ĉar PNG estas pli malsimpla aranĝo ol, ekzemple, gzip, ekzistas pluraj aliaj cirkonstancoj senutile pligrandigantaj la dosieron, kiuj estas mildigindaj antaŭ ol tia redensigado. Ekzemple, por komputila desegno simple nigreblanka povas necesi nur 1 duuma bito por ĉiu punkto, malkiel por fotografaĵo multkolora, kiu povas postuli kelkajn bitokojn. Tial ofte utilas unue prilabori la dosieron per programo kiel OptiPNG, kaj nur poste per advpng. Se temas pri simpla komputila desegno, tio povas fari konsiderindan bonefikon, sed se temas pri granda altkvalita fotografaĵo, la rezulto povas ne indi la atendadon.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo
- Retpaĝaro de 7-Zip en SourceForge.net
Text is available under the CC BY-SA 4.0 license; additional terms may apply.
Images, videos and audio are available under their respective licenses.
