Omar Muĥtar
Persona informo
عمر المختار
Naskiĝo	20-an de aŭgusto 1858 (1858-08-20) en Cyrenaica
Morto	16-an de septembro 1931 (1931-09-16) (73-jaraĝa) en Libio
Mortis pro	Hommortigo vd
Mortis per	Pendumo vd
Tombo	Suluq (en) vd
Religio	sunaismo vd
Ŝtataneco	Libio vd
Subskribo
Familio
Infanoj	Mohammed Omar Mukhtar (en) vd
Profesio
Okupo	rezistobatalanto partizano vd
vd	Fonto: Vikidatumoj
v • d • r

Omar Muĥtar (arabe عمر المختار, ʿUmar al-Muĥtār; naskiĝis en 1862 – mortis la 16-an de septembro 1931 en Bengazi, Libio) estis libia koran-instruisto, kiu batalis kontraŭ la italaj koloniaj regantoj, por sendependiĝo de sia lando. La nomo „Muĥtar” signifas „la Elektita“ kaj aludas je elektita vilaĝa gvidanto.

Post kiam Italio en 1911 venkis en la itala-turka milito super la ĝistiama turka kolonia potenco, la bordoj de Tripolio kaj Cirenaiko iĝis okupitaj. Omar al-Muĥtar organizis kontraŭstaron de la Sanusio kaj gvidis fortan gerilan militon kontraŭ la okupaciantoj. En la montara regiono de al-Ĝabal al-Aĥdar en Cirenaiko, li partoprenis en pli ol 260 bataloj kontraŭ la italaj trupoj.

La italoj kaptis lin nur en 1931 kaj militista tribunalo juĝis lin je morto, la 15-an de septembro 1931 en Bengazi. Sekvan tagon okazis la publika ekzekutado. La libia kontraŭstaro daŭris ankaŭ post morto de Omar Muĥtar. La tuta lando venis sub kontrolon de la italaj koloniistoj nur post okupado de la Kufra-oazo, en 1935.

En Libio, Omar al-Muĥtar estas rigardata kiel nacia heroo. Lia figuro aperas sur la plej valora libia banknoto (10-a libia dinaro) kaj oni nomis stratojn pri li en multaj arabaj landoj.

Oni produktis en 1980 la filmon „Leono de la dezerto“ de Mustafa Akkad, kiu prezentis la vivon kaj la batalon de Omar al-Muĥtar. La rolon de Omar ludis Anthony Quinn.

Kiam Muamar Kadafi unuafoje vizitis Italion, la 10-an de junio 2009, li portis demonstre foton de kaptita Omar al-Muĥtar sur sia uniformo.