Omaĝo de caro al pola reĝo
Omaĝo de caro al pola reĝo (pole: Hołd Szujskich) – omaĝo de restanta en pola mallibero, detronigita caro de Rusio Bazilo la 4-a Ŝujskij kaj liaj fratoj: Demetrio (komandanto de rusa-sveda armeo en batalo de Kluŝino) kaj Ivano (nomata ruse Pugovka, pole „guzik” (butono)), al reĝo de Pollando Sigismondo la 3-a Vasa kaj reĝido Ladislao la 4-a (tiutempa caro de Rusio) la 29-an de oktobro 1611 en la senata salono de Reĝa Kastelo en Varsovio. Laŭ raporto el la 17-a jarcento la ago estis tiom fama, granda kaj neniam en Pollando vidata.
Krona kampa hetmano Stanisław Żółkiewski triumfe envenis tra la reĝa itinero al la Reĝa Kastelo, kunportante kun si malliberigitajn: Demetrio Ŝujskij kun la edzino – granda princino Jekaterina Grigorievna, la filino de Grigorij Maluta Skuratov kaj Ivano Pugovka Ŝujskij, Miĥail Ŝein, rusa militisto, kaj estro de Rusa Ortodoksa Eklezio - Filaret. Żółkiewski prezentis ilin al la Senato, substrekante en sia antaŭparolo variecon de feliĉo. Antaŭ Sigismundo la 3-a Vasa sur la trono la rusia caro Bazilo la 4-a Ŝujskij la teron per la dekstra mano kaj ĝin kisis, militestro de moskva armeo Demetrio Ŝujskij frapis per la frunto la teron kaj Ivano Ŝujskij faris la samon trifoje.
Vidu ankaŭ
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
