Nirmala Srivastava
Persona informo
Naskiĝo	21-an de marto 1923 (1923-03-21) en Ĉindvara
Morto	23-an de februaro 2011 (2011-02-23) (87-jaraĝa) en Ĝenovo
Ŝtataneco	Barato (1950–) Dominio de Barato (1947–1950) Brita Hindio (–1947)
Familio
Edz(in)o	Chandrika Prasad Srivastava (en)
Okupo
Okupo	joga instruisto
v • d • r

Nirmala Srivastava (Sri Mataĝi Nirmala Devi; naskiĝis la 21-an de marto 1923, mortis la 23-an de februaro 2011) – barata hinduisma guruo de sahaĝa jogo, aktivistino por paco.

Ŝi naskiĝis en la centra regiono de Barato en Ĉhindvara, dum la printempa punkto, precize meztage. Astrologoj certigas, ke tia horoskopo aperas nur ĉe personecoj kun granda spirita potencialo. Naskiĝis en klera nobela kristana familio. Ŝia patro estis konata advokato batalinta por sendependeco de Hindujo. Li konis 14 lingvojn kaj tradukis Koranon en la hindian lingvon. Ŝia patrino havis sciencan gradon pri matematiko. Dum infaneco Nirmala ofte vizitis aŝramon de Gandhi, kiu malkovris ŝiajn eksterordinarajn talentojn. Poste Nirmala Srivastava studis medicinon kaj aktive partoprenis la agadon por sendependigi Baraton.

En 1970 Nirmala Srivastava malkovris unikan metodon de memkono, memperfektiĝado, memrealigo donanta eblecon de pozitiva transformiĝo de personeco kaj de socio kiel tuto surbaze de la principoj de bono, paco kaj amo, nomata sahaĝa jogo.

Nirmala Srivastava iniciatis kaj partoprenis multe da internaciaj konferencoj. Pro sia porpaca agado akiris pac-medalon de Unuiĝintaj Nacioj. En pluraj urboj de la mondo ricevis la titolon de honora civitano kaj la 8-an de julio 2006 titolon de la Honora Civitano de Italio.

• Oficiala retejo
• [1] Arkivigite je 2006-05-04 per la retarkivo Wayback Machine