Montescheno
komunumo de Italio vd
Ŝtato	Italio
Regiono	Piemonto (2005)
Provinco	VB Verbano Cusio Ossola (2005)
Geografia situo	46° 4′ N, 8° 14′ O (mapo)46.0666666666678.2333333333333Koordinatoj: 46° 4′ N, 8° 14′ O (mapo)
Alto super marnivelo	512 m
Areo	22 (2005) km²
Loĝantaro	377 (2023)
Loĝdenso	17 loĝantoj/km²
Subdividaĵoj	Barboniga, Cad Mater, Cat Pera, Cresti, Croppo, Ovesco, Progno, Sasso, Selve, Valeggia, Vallemiola, Zonca (2005)
Najbaraj komunumoj	Antrona Schieranco, Bognanco, Domodossola, Seppiana, Viganella, Villadossola (2005)
Patrono	San Carlo
Nomo de loĝantoj	monteschenesi
Poŝtkodo	28843
Imposta kodo	F639
Kodo laŭ ISTAT	103047
Telefona prefikso	0324
Retpaĝo	Oficiala retejo
v • d • r

Montescheno [monteSKEno] (piemonte Montescheni) estas komunumo en la provinco de Verbano-Cusio-Ossola, en la regiono Piemonto Italio. Tie loĝas (en 2005) 441 homoj.

Temas pri montara komunumo, konsistanta el pluraj disigitaj vilaĝetoj. Ĝi situas ĉe la komenco de la Valo Antrona.

La ĉefa ekonomia agado estas terkulturo; pro manko de aliaj stud- aŭ labor-eblecoj, la junularo emas elmigradi, kaj la komunuma loĝantaro plu kaj plu malkreskis dum la lastaj jardekoj.

Pro ĝia belega situo, Montescheno riĉas je somerdomoj; tamen, turismo ĝis nun ankoraŭ ne ekrolis ajnan rolon en la loka ekonomio.

Ĉiujare, je la tria julia dimanĉo, okazas en Montescheno tradicia ceremonio: temas pri la religia procesio Autani [aŭTAni], kiu laŭiras cirklan montaran padon longan proksimume 22 km. Oni ekiras je la 4-a matene kaj revenas je la 10-a vespere. La procesio naskiĝis dum la 17-a jarcento, kaj centoj da homoj ĉiujaxre partoprenas ĝin.

En majo 2009, kaj denove en majo 2010, en la urbo okazis junulara Esperanto-renkontiĝo organizita de Itala Esperantista Junularo: Montara Junulara Semajnfino. La okazaĵo okazis ambaŭfoje dum semajnfino, kaj estis partoprenita de ĉirkaŭ 15 homoj.