Monda Tago de Gazetarlibereco
La Ĝenerala Asembleo de Unuiĝintaj Nacioj deklaris la 3-an de majo Monda Tago de Gazetarlibereco[1] [2]aŭ nur Monda Tago de Gazetaro, plenumita por konsciigi pri la graveco de gazetara libereco kaj memorigi registarojn pri ilia devo respekti kaj subteni la rajton al sinesprimlibereco konsekrita de la Artikolo 19 el la Universala Deklaracio de Homaj Rajtoj de 1948 kaj markanta la datrevenon de la Vindhuka Deklaracio, deklaro de principoj de gazetara libereco kunmetitaj de afrikaj gazetaj ĵurnalistoj en Vindhuko en 1991.
Premioj
[redakti | redakti fonton]Unesko markas la Mondan Tagon de Gazetarlibereco donante la Mondan Premion de Gazetarlibereco Guillermo Cano al inda individuo, organizo aŭ institucio, kiu faris elstaran kontribuon al la defendo kaj/aŭ promocio de gazetara libereco ie ajn en la mondo, precipe kiam ĉi tio estis atingita antaŭ danĝero. Kreita en 1997, la premio estas donita laŭ rekomendo de sendependa ĵurio de 14 novaĵaj profesiuloj. Nomoj estas senditaj de regionaj kaj internaciaj ne-registaraj organizaĵoj laborantaj por gazetara libereco, kaj de anŝtatoj de Unesko[3].
La Premio estas nomita honore al Guillermo Cano Isaza, kolombia ĵurnalisto, kiu estis murdita antaŭ la oficejo de sia ĵurnalo, El Espectador, en Bogoto, la 17an de decembro 1986. La skribaĵoj de Cano ofendis la potencajn drogajn baronojn de Kolombio.
Konferencoj de Unesko
[redakti | redakti fonton]Unesko ankaŭ markas la Mondan Tagon de Gazetarlibereco ĉiujare kunvenigante amaskomunikilajn profesiulojn, gazetarajn liberajn organizojn kaj UN-agentejojn por taksi la staton de gazetara libereco tutmonde kaj diskuti solvojn por trakti defiojn[4]. Ĉiu konferenco fokusiĝas al temo rilate al gazetara libereco, inkluzive de bona regado, amaskomunikila traktado de terorismo, senpuneco kaj la rolo de amaskomunikilaro en postkonfliktaj landoj[5].
Referencoj
[redakti | redakti fonton]- ↑ (anglolingve) Ĝenerala Asembleo de Unuiĝintaj Nacioj, 48-a sesio: A/48/PV.85, p.29
- ↑ (anglolingve) Ĝenerala Asembleo de Unuiĝintaj Nacioj, 48-a sesio: A/48/624, p.22
- ↑ (anglolingve) Unesko serĉas nomumitojn por sia premio"Guillermo Cano" ĉe UNESKO
- ↑ (anglolingve) Monda Gazetarlibereca Tago 2021: Temo, Historio, Citaĵoj, Signifo ĉe S A NEWS. 3-a de majo 2021
- ↑ (anglolingve) Monda Gazetara Libereca Tago 2021: Historio, Signifo Kaj Multe Pli ĉe Outlook (Barato), 3-a de majo 2021
Vidu ankaŭ
[redakti | redakti fonton]- Esplorĵurnalismo
- Internacia tago
- Monda Tago de Rifuĝintoj
- Monda Tago kontraŭ Infanlaboro
- Raportistoj sen limoj
Eksteraj ligiloj
[redakti | redakti fonton]- Retejo de Unesko pri la Monda Tago de Gazetarlibereco: https://en.unesco.org/commemorations/worldpressfreedomday
- Retejo de UN pri la Monda Tago de Gazetarlibereco: https://www.un.org/en/observances/press-freedom-day
Text is available under the CC BY-SA 4.0 license; additional terms may apply.
Images, videos and audio are available under their respective licenses.
