Mazar-i Ŝarif
مزارشريف
la "blua moskeo" en la urbocentro
urbo urbego vd
Administrado
Lando	Afganio
Provinco	provinco Balĥ
Ĝemelurboj Maŝhado Duŝanbeo vd
Demografio
Loĝantaro	300 600  (2006)
Loĝdenso	5 654 loĝ./km²
Geografio
Geografia situo	36° 42′ N, 67° 7′ O (mapo)36.767.116666666667Koordinatoj: 36° 42′ N, 67° 7′ O (mapo)
Alto	380 m [+]
Areo	83 km² (8 300 ha) [+]
Horzono	UTC+4:30
DEC Situo de Mazar-i Ŝarif
Alia projekto
Vikimedia Komunejo Mazar-e-Sharif [+]
v • d • r

Mazar-i Ŝarif (perse kaj paŝtoe مزارشريف, prononco laŭ IFA ˌmæˈzɒːr ˌiː ʃæˈriːf, en kiu la sono "æ" estas inter "e" kaj "a", tial foje ankaŭ latinliterigata Mezar-i Ŝerif) estas urbo en la nordo de Afganio. La urbo estas la administra centro de la provinco Balĥ.

Laŭ la stato de 2020 en la urbo vivis 469 247 loĝantoj sur areo de 83 kvadrataj kilometroj, kio rezultigas loĝdenson de 5 654 loĝantoj/km². Laŭ takso en la jaro 2006 Mazar-i Ŝarif havis proksimume 300 600 loĝantojn (laŭ la lasta oficiala censo, antaŭ jam pli ol 30 jaroj, en 1979 temis nur pri 103 372). Laŭ tiu stato temas pri la kvara plej granda urbo de Afganio.

La urba nomo signifas "tombo de la sanktulo" kaj referencas al la ebla tombejo de Ali ibn Abi Talib en la urbo - krome tamen estas pliaj lokoj kiuj pretendas tiun honoron. Ali ibn Abi Talib estis altranga islama gvidanto, parenco de Mahometo, kaj estas adorata kaj de sunaistoj, ŝijaistoj kaj alevoj. La urbo tial estas la plej signifa pilgrimejo de Afganio kaj konsideratas unu el la sanktaj urboj de Islamo. La "blua moskeo" el la 15-a jarcento en la urbocentro estu la tomboloko de Ali - ĉiukaze ĝi estas unu el la plej impresaj kaj belaj moskeoj tutmonde.

Mazar-i Ŝarif situas proksimume 300 kilometrojn nordokcidente de la urbo Kabulo, proksime de la limo al Uzbekio. La urbo situas 360 metrojn super la marnivelo. Historie ĝi apartenis al la antikva regno Baktrio.

• Afgana tapiŝo