Ludoviko de Francio (1661-1711)
Ludoviko de Francio (1661-1711), alinomita la Granda Dauphin (franclingve Louis de France / Grand Dauphin) estis la plej maljuna filo de la franca reĝo Ludoviko la 14-a kaj de Maria Teresa de Hispanio. Li estis do rigardata kiel la oficiala heredanto de la trono, sed mortis antaŭ la fino de la longedaŭra reĝado de sia patro.
Li naskiĝis en Fontainebleau je la 1-a de novembro 1661, kaj lia edukado, organizita de Bossuet, estis tre delikata. Ludoviko estis bona lernanto, sed oni precipe lernigis al li obei al lia patro, kaj ne zorgi pri la ŝtataj aferoj.
Ludoviko de Francio edziĝis kun Maria Anno de Bavario la 7-an de marto 1680 kaj amis ŝin tenere, kvankam ŝi havis iom disputeman personecon. La geedzoj havis tri filojn :
- Ludoviko de Francio (1682-1712), duko de Burgonjo.
- Filipo la 5-a (1683-1746), reĝo de Hispanio.
- Karlo, duko de Berry.
Text is available under the CC BY-SA 4.0 license; additional terms may apply.
Images, videos and audio are available under their respective licenses.