Limgarda zono
Historia regiono
La Limgarda zono (sen Transilvanio - kiu situas dekstren) en la 19-a jarcento
Limregiono, Landopartoj de Aŭstrio-Hungario [+]
Lando	Kroatio
Vikimedia Komunejo:  Habsburg Military Frontier [+]
v • d • r

Limgarda zono estis regiono aŭ subŝtato en la suda parto de la Habsburga Imperio ekde la 18-a jarcento. Tiu zono troviĝis inter Habsburga Imperio kaj Osmana Imperio de Adria Maro ĝis Orientaj Karpatoj.

Ĝermo de tiu regiono naskiĝis jam ĉe la nuna Kroatio dum la 16-a jarcento por defendi la landon kontraŭ la turkoj. Fine de la 17-a jarcento la turkoj jam ne plu havis hungarajn teritoriojn. Tamen la Habsburgoj ne redonis ĝin al Hungara reĝlando, sed aranĝis zonon, kiu rekte apartenis al la Habsburga Imperio. La strukturo kaj la administrado estis milita. La soldatoj estis plejparte serboj, nur kelkloke germanoj aŭ rumanoj, sed neniam hungaroj. Ja la Habsburgoj ne nur kontraŭ turkoj, sed ankaŭ kontraŭ hungaroj volis estigi la zonon, ĉar ili rememoris pri liberecbatalo de Francisko Rákóczi la 2-a, kiu daŭris 8 jarojn. La limgardistoj ricevis parcelojn, ili pagis imposton nur al la reĝo, kiu estis tre favora. En 1848 en la praktiko la zono nuliĝis, eĉ oficiale ankaŭ tie okazis la tutlanda balotado de Hungario.

• Kroata zono
  • Regimento de Gospić
  • Regimento de Otočac
  • Regimento Ogulin en Senj
  • Regimento de Karlovac
  • Regimento de Glina
  • Regimento de Petrinja
  • Regimento de Križevci
  • Regimento de Bjelovar
• Slavonia zono
  • Regimento de Nova Gradiška
  • Regimento de Slavonski Brod
  • Regimento de Petrovaradin
• Banata zono (1779-1873)
  • Regimento Germano-Banato en Panĉevo
  • Regimento de Rumano-Banato (1779-1845)
  • Regimento de Rumano-Banato post 1845 en Karánsebes
  • Regimento de Serbo-Banato post 1845
• zono inter Tiso-Mures (1700-1750)
  • Regimento de Titel aŭ Ŝajkaŝ
• zono Transilvanio ĝis 1850
  • Regimento de sikuloj ekde 1764 (tie okazis maljustecoj, ĉar ĉiuj soldatoj ricevis privilegion, la sikuloj ne)
• Regimento de Rumanio-Transilvanio en Naszód ekde 1766

Escepte sporadajn atakojn la turkoj ne povis reokupi hungarajn teritoriojn. En 1848 precipe regimento de Naszód estis bazo de kontraŭhungaraj atakoj. En 1873 ĉesis ĉiuj zonoj.