Laboratorio Lincoln
observatorio federally funded research and development center (en)
Komenco	1951 vd
Geografia situo	42° 27′ 32″ N, 71° 16′ 3″ U (mapo)42.459-71.2674Koordinatoj: 42° 27′ 32″ N, 71° 16′ 3″ U (mapo)
Lando(j)	Usono vd
DEC
Laboratorio Lincoln
Filioj	Lincoln Near-Earth Asteroid Research vd
Retejo	Oficiala retejo
v • d • r

La Laboratorio Lincoln (angle MIT Lincoln Laboratory) estas centro de scienca esploro kaj disvolviĝo de la Usona Departemento de Defendo, situanta en Lexington (Masaĉuseco, Usono). Ĝi estas taskita por apliki altajn teknologiojn al problemoj de nacia sekureco. La laboratorio laboras kun la industrio por transirigi la novajn konceptojn kaj teknologiojn al la disvolviĝo de sistemoj.

La Lincolna Laboratorio estis kreita en 1951 de la Masaĉuseca Instituto de Teknologio. La loko por tiu nova entrepreno estis elektita sur la kampo Laurence G. Hanscom (nun Aerbazo Hanscom aŭ Hanscom Air Force Base), kie renkontiĝas la masaĉusecaj vilaĝoj Bedford, Lexington kaj Lincoln. Jam ekzistis Projekto Bedford ( kontraŭsubmarŝipa defendo) kaj Projekto Lexington (pri nukleenergia aviadilo), tiel Majoro Generalo Putt, kiu havis kiel tasko redakti la ĉarton por la nova laboratorio, decidis nomi la projekton laŭ la urbo Lincoln.

Unu el la unuaj malkovro ŝuldita al tiu laboratorio estis la magnetkerna memoro, estigita de la neceso plirapidigi kaj plifidindi la komputilojn por la aerdefendo.^[1] La industrio rapide sekvis tiun disvolviĝo kaj adoptis la magnetkernajn memorojn kiu pligrandigis la kapablojn de la komputiloj.

La Laboratorio Lincoln regas la adekvatan esploron kaj disvolviĝon por la nacia sekureco por la usona armeo, la Usona oficejo de la sekretario pri defendo, kaj aliaj registaraj agentejoj. Emfazo estas metita pri transdono de la teknologio al la industrio.

Laboratorio Lincoln ankaŭ laboras por agentejoj ekster la Usona Departmento de Defendo kiel programoj de superrigardo de la medio por la NASA kaj la Nacia Oceana kaj Atmosfera Administracio.

La komunikado de informoj al la registaro, universitatoj, kaj la industrio estas la ĉefa teknika misio de la Laboratorio Lincoln. Ampleksa disvastigo de teknikaj informoj estas farita per jaraj teknikaj laborejoj, seminarioj kaj kursoj gastigataj en la laboratorio. Celante la divido de konoj, la laboratorio eldonas la Lincoln Laboratory Journal,^[2], kiu enhavas kompletajn artikolojn pri la nuntempaj grandaj esploroj kaj la novaj projektoj.

La teknika dungitaro (proksimume 1700 anoj) venas de ampleksa gamo de sciencaj kaj inĝenieriaj kampoj : elektrotekniko, fiziko, komputiko kaj matematiko estas inter la plej oftaj. Du trionoj el la profesia teamo havas altajn akademiajn titolojn kaj 60% de tiuj titoloj estas de doktora nivelo.

La teknika laboro estas organizita en ok dividoj :^[3]

• Aerdefendo kaj kontraŭmisila defendo
• Interna sekureco kaj rego de la civila aviado
• Komputila sekureco kaj sciencoj pri informado
• Sistemoj por komunikado
• Inĝenierarto
• Alta teknologio
• Aerospaca scienco
• Spionado, taktikaj sistemoj.

Ekde 1995, la Komplekso Lincoln de Kosma Superrigardo (Lincoln Space Surveillance Complex) en Westford (Masaĉuseco), ludis kernan rolon en la misioj de kosma superrigardo de la Laboratorio Linkoln. La ejo enhavas tri grandajn radarojn

Millstone Deep-Space Tracking Radar (radaro en bendo L)

Haystack Long-Range Imaging Radar (radaro en bendo X)

Haystack Auxiliary Radar (radaro en bendo Ku)

Lincoln Laboratorio ankaŭ kunlaboras kun lokoj en la kontinenta Usono kaj la pacifika regiono.

Lincoln Laboratorio estas scienca konsilisto de la Balistika Testejo Ronald Reagan (angle Ronald Reagan Ballistic Missile Defense Test Site) ĉe la instalaĵoj de la Usona terarmeo en la Atolo Kwajalein (Marŝala Insularo) lokita ĉirkaŭ 4000 km okcidente de Havajo. Lincoln Laboratorio ankaŭ helpas al la modernigo de la infrastrukturo laŭ esploroj en laboratorio.

La Eksperimenta Testejo (angle: The Experimental Test Site: ETS) estas instalaĵo de testo de elektro-optiko en la en la terenoj de la Misila Areo de White Sands (angle: White Sands Missile Range) en Socorro, (Nov-Meksiko). La ETS estas operaciita de la laboratorio por la Usona Aerarmeo, ĝia ĉefa misio estas disvolvi, taksi kaj transdoni avancitaj elektro-optikaj teknologioj de kosma superrigardo en kunlaboro kun Air Force Space Command (Aera-Kosma Armeo). Flanka programo de serĉo de terrenkontaj asteroidoj por NASA uzas elektro-optikajn teleskopojn de kosma superrigardo en White Sands. Pli ol 50 % el la konataj asteroidoj de la sunsistemo estis malkovritaj dank' al tiu programo.

La Instalaĵoj de Misila Aero de Pacifiko (angle : Pacific Missile Range Facility ; PMRF) en la Havaja insulo de Kauai estas unu el la areoj de eksperimento kaj disvolvo de la testado de la sistemo de National Missile Defense. La personaro de la Laboratorio Lincoln provizas teknikajn konsilojn, konsulto, kaj analizo sur postulo de la registara estraro de la areo.

• F. Wheeler Loomis, 26-a de julio 1951 – 9-a de julio 1952
• Albert G. Hill, 9-a de julio 9, 1952 – 5-a de majo 1955
• Marshall G. Holloway, 5-a de majo 1955 – 1-a de februaro 1957
• Carl F.J. Overhage, 1-a de februaro 1957 – 1-a de februaro 1964
• William H. Radford, 1-a de februaro 1964 – 9-a de majo 1966
• C. Robert Weiser, acting director, 10-a de majo 1966 – 1-a de januaro 1967
• Milton U. Clauser, 1-a de januaro 1967 – 1-a de junio 1970
• Gerald P. Dinneen, 1-a de junio 1970 – 1-a de aprilo 1977
• Walter E. Morrow, Jr., 1-a de aprilo 1977 – 30-a de junio 1998
• David L. Briggs, 1-a de junio 1998 – 30-a de junio 2006
• Eric D. Evans, 1-a de julio 2006 – nun^[4]

• Usona Departmento de Defendo

• angle Lincoln Laboratory, oficiala paĝaro
• angle Historio de la Lincoln Laboratory (elŝutenda) Arkivigite je 2013-01-15 per la retarkivo Wayback Machine
• angle Lincoln Laboratory : Jara raporto 2012 Arkivigite je 2013-05-07 per la retarkivo Wayback Machine