Kristandemokrata Unio de Germanio
Kristandemokrata Unio de Germanio | |
---|---|
Christlich Demokratische Union Deutschlands | |
![]() | |
granda partio • frata partio • politika partio en Germanio | |
Lando | ![]() |
Estro | Friedrich Merz |
Fondiĝo | Post la Dua Mondmilito |
Ĉefa sidejo | Klingelhöferstraße 8, 10785 Berlino |
Ideologio | Kristana demokratio, centrismo |
Internacia aliĝo | Centrodemokratia Internacio kaj Internacia Demokratia Unio |
Junulara organizaĵo | Junge Union |
Retejo | www.cdu.de |
La Kristandemokrata Unio de Germanio (germane Christlich Demokratische Union Deutschlands, CDU) estas partio en Germanio. Pluraj el la germanaj kancelieroj anis en ĝi; en 2005 ĝia Angela Merkel elektiĝis kancelierino.
CDU estis fondita post la Dua Mondmilito, kiam la venkintaj aliancanoj permesis denove fondon de partioj. Ĝiaj fondintoj estis liberaldemokratoj, politikaj katolikoj, kristan-socialuloj, konservativuloj kaj naciistoj. La fundamenta programo de CDU parolas pri la "kristana koncepto pri la homo kaj lia respondeco antaŭ Dio". Ĝia membildo estas tiu de "kristan-demokrata, liberala kaj konservativa partio de la centro". Male al la iama katolika "Centro" (Zentrumspartei) CDU celas aliancigi ĉiujn kristanajn konfesiojn en unu politika partio. Tamen ĝi akceptas ankaŭ homojn kun aliaj kredfundamentoj.
Kiel partio sur tutfederacia nivelo, CDU ekzistas ekde 1950. Apartaĵo de CDU estas, ke ĝi rezignis politikan aktivadon en unu el la germanaj regionaj ŝtatoj, nome Bavario. Tie agadas Kristansociala Unio en Bavario (Christlich-Soziale Union in Bayern, CSU). Kun ĝi CDU havas komunan frakcion en la federacia parlamento.
Kancelieroj el CDU
[redakti | redakti fonton]Jenaj anoj de CDU estis kancelieroj (ĉefministroj) de Federacia Respubliko Germanio:
- Konrad Adenauer (1949–1963)
- Ludwig Erhard (1963–1966)
- Kurt Georg Kiesinger (1966–1969), estro de "granda koalicio" (inter la du plej grandaj partioj, CDU kaj SPD)
- Helmut Kohl (1982–1998)
- Angela Merkel (2005–2021), 2005-2009 estrino de "granda koalicio", 2009-2013 estrino de koalicio kun la liberuloj, ekde 2013 estrino de "granda koalicio" kun la SPD.
GDR kaj reunuiĝo de Germanio
[redakti | redakti fonton]Post la unuiĝo de la du germanaj ŝtatoj en 1990, la kristandemokratoj el GDR aliĝis al la okcidenta CDU. Pro tio CDU gajnis subite multe da novaj membroj, sed perdis multajn el ili dum la venontaj jaroj. La orientgermanaj kristandemokratoj estas ofte pli liberalaj kaj nereligiemaj ol la okcidentaj.
CDU ekzistis ankaŭ en GDR kiel unu el pluraj partioj permesataj de la reganta komunista partio SED. Kiel ili, CDU devis akcepti la gvidan rolon de SED kaj ne havis enfluon en la politika vivo. Tamen ĝi rajtis havi parlamentanojn kaj ministrojn.
Partiestroj
[redakti | redakti fonton]- 1950–1966: Konrad Adenauer
- 1966–1967: Ludwig Erhard
- 1967–1971: Kurt Georg Kiesinger
- 1971–1973: Rainer Barzel
- 1973–1998: Helmut Kohl
- 1998–2000: Wolfgang Schäuble
- 2000–2018: Angela Merkel
- 2018-2021: Annegret Kramp-Karrenbauer
- 2021-2022: Armin Laschet
- ekde 2022: Friedrich Merz
Kiam CDU-ano estis kanceliero de Germanio, kutime li estis ankaŭ partiestro aŭ elektita tio iom poste. En 1971 partiestro iĝis Rainer Barzel, kiu en 1972 sensukcese provis transpreni la kancelierecon. En 1973 estro iĝis Helmut Kohl kaj restis ĝis 1998.
En 1998, kiam CDU malvenkis en la balotoj kaj Helmut Kohl estis akuzita pro kontraŭleĝa traktado de donacoj, partiestro iĝis Wolfgang Schäuble. En 2000 lin anstataŭis Angela Merkel.
Eksteraj ligiloj
[redakti | redakti fonton]
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.