La Kosmoteleskopo Hubble (angle Hubble Space Teleskope, HST) estas scienca teleskopo lanĉita je la 24-a de aprilo en 1990 por stelobservado en videbla lumo, ultraviola radiado kaj infraruĝa radiado.

En alto de 589 km ĝi rivoluas ĉirkaŭ la tero dum 96 minutoj.

En kadro de kunlaboro de NASA kaj ESA ĝi estis surorbitigita dum misio STS-31 el kosmopramo Discovery. Ĝia nomo devenas de Edwin Hubble, kiu estis astronomo.

Ĉar nia atmosfero filtras ultraviolan radiadon kaj infraruĝan radiadon, estas avantaĝo havi teleskopon en kosmo. Tie ankaŭ mankas atmosferaj perturboj (scintilado), kiujn oni devas kompensi ĉe surteraj teleskopoj.

La kvalito de la bildoj pliboniĝis, kiam en la jaro 1993 la kosmoteleskopo ricevis "okulvitrojn" por kompensi la eraron de la malĝuste polurita ĉefspegulo. La altkvalitaj bildoj ricevitaj aldonis aron da utilaj informoj pri la strukturo de nia Universo.

• 
  Astronaŭtoj riparantaj Hubble-n
• 
  Hubble kaptita en la ŝarga spaco de la kosmopramo Atlantis

La kosmoteleskopo Hubble ne estas videbla de Mez-Eŭropo.

Kiel posteulo de la kosmoteleskopo Hubble estas ofte indikata la kosmoteleskopo James Webb. Tamen, ĝia spektro estas nur la infraruĝa radiado (kompare al Hubble mankos la videbla kaj la ultraviola lumoj).

Pli proksime al la spektro de Hubble estas la planata kosmoteleskopo LUVOIR.

• 
  Arta bildigo de la kosmoteleskopo James Webb
• 
  Komparo de la ĉefa spegulo de Hubble, James Webb kaj LUVOIR-A
• 
  Arta bildigo de la LUVOIR-A

Portalo pri Astronomio

• Hubble-a profunda kampo
• Hubble-a Ultra-Profunda Kampo
• Hubble, filmo

• Ĉi tiu artikolo legita esperante ĉe YouTube
• Oficiala retejo
• NASA-paĝo de Hubble Arkivigite je 2012-02-09 per la retarkivo Wayback Machine angle
• Paĝo de HST Science Institute angle
• ESA-paĝo de Hubble angle
• Kolekto de Hubble-bildoj angle

En tiu ĉi artikolo estas uzita traduko de teksto el la artikolo Hubble-Weltruumteleskop en la alemana Vikipedio. Numero de revizio ne estis difinita.