Kognato
En la lingvistiko, kognatoj estas du aŭ pli ol du vortoj kiuj estas el la sama etimo kaj kiuj havas signifon similan en du aŭ pli ol du lingvoj. Ene de lingva familio, ekzemple, en la hindeŭropa lingvaro, estas multaj kognatoj.
La sekvanta ekzemplo montras plurajn kognatojn hindeŭropajn de "nokto":
- nacht (nederlanda lingvo kaj germana lingvo), night (angla lingvo), nicht (skota lingvo), natt (sveda lingvo), noc (Ĉeĥa lingvo kaj pola lingvo), noĉ (rusa lingvo), nox (latina lingvo), nuit (franca lingvo), noche (hispana lingvo), noite (portugala lingvo), notte (itala lingvo), nit (kataluna lingvo), noapte (rumana lingvo), nukta (greka lingvo), nakti- (sanskrito) kaj naktis (litova lingvo). La supozata radiko en la hindeŭropa pralingvo estas *nekwt-.
La sekvanta ekzemplo montras plurajn kognatojn hindeŭropajn de "stelo":
- ster (nederlanda lingvo), star (angla lingvo), Stern (germana lingvo), starn (skota lingvo), stjärna (sveda lingvo), stairno (gota lingvo), steren (kornvala lingvo), str (sanskrito), star (sinhala lingvo), aster (greka lingvo), stella (latina lingvo kaj itala lingvo), étoile (franca lingvo), estrella (hispana lingvo), estrela (portugala lingvo), estel (kataluna lingvo), stea (rumana lingvo kaj venecia lingvo), setare (persa lingvo) kaj estêre (kurda lingvo). La supozata radiko en la hindeŭropa pralingvo estas *ster-.
La vortoj Esperantaj havas multajn kognatojn en la fontolingvoj de Esperanto, precipe la hindeŭropaj lingvoj. Du kognatoj de la vorto "kognato" estas ekzemple: cognaat en la nederlanda lingvo kaj cognate en la angla lingvo.
Vidu ankaŭ
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.