Kazimierz Tymiński
Kazimierz Tymiński | |
---|---|
![]() | |
Persona informo | |
Naskiĝo | 30-an de novembro 1893 |
Morto | 3-an de decembro 1973 (80-jaraĝa) en Varsovio |
Lingvoj | pola • Esperanto |
Ŝtataneco | Pollando ![]() |
Alma mater | Politekniko de Varsovio ![]() |
Okupo | |
Okupo | esperantisto inĝeniero arkitekto ![]() |
Kazimierz TYMIŃSKI (naskiĝis en 1894, mortis la 3-an de decembro 1973 en Varsovio) estis pola esperantisto, inĝeniero kaj arĥitekto.
![](https://upload.wikimedia.org/wikipedia/commons/c/c3/1912-K-Tyminski.jpg)
Esperanto
[redakti | redakti fonton]Tymiński eklernis Esperanton en 1904 kaj lin altiris ekspozicioj pri Esperanto en 1909 kaj 1910 en Częstochowa, organizitaj de Aleksandro Brzostowski. Ankaŭ influis lin Ludwik Zamenhof, Antoni Grabowski, Kabe, Leono Zamenhof, Henryk Zamenhof, Jerzy Loth, Emilian Loth, Odo Bujwid kaj Juliusz Kriss. Lia unua Universala Kongreso de Esperanto estis la 9-a en Berno, Svislando, 1913.
Li estis plej aktiva en la jaroj 1910–1918 kaj 1921–1928. Dum la unua mondmilito li servis kiel radiotelegrafisto dum la bataloj en Francio. Vicprezidanto de Pola Asocio de Esperantistoj (1926–1928). Post la dua mondmilito estrarano de Pola Esperanto-Asocio (1957–1960). Li estis prezidanto de Internacia Societo de Arkitektoj kaj Konstruistoj Esperantistoj. Ano de la Organiza Komitato por la 44-a UK en Varsovio. Kunorganizinto de la Veterana Sekcio de PEA, li estis ĝia unua prezidanto (1962–1965). En 1965 li estis honorigita per la insigno Merita Esperantisto.
Lia Pola-Esperanto Vortaro estis eldonita en 1969 en Varsovio kaj li gvidis kelkajn kursojn de la lingvo.
Verkoj
[redakti | redakti fonton]- 1969: Malgranda Vortaro Pola-Esperanta. Maly Słownik Polsko-Esperancki. Warszawa: Państwowe Wydawnictwo / Ŝtata Editejo, 1969. xvi, 431, [1] p. — 15x11 cm. ĉirkaŭ 20.000 kapvortoj. // 2a eld. Warszawa: Wiedza Powszechna, 1986. xvi, 431, [1] p. — 14x10 cm. Inkl. de supl. de geografiaj nomoj.
Referencoj
[redakti | redakti fonton]- Golec, Józef: Słownik biograficzny esperantystów polskich (Biografia Vortaro de Polaj Esperantistoj), Cieszyn 2010. Kazimierz Tymiński, p. 232–234
- Tymiński, Kazimierz: El pasintaj jaroj.... En "Pola Esperantisto", 1959, n-ro 1–2, p. 10
Text is available under the CC BY-SA 4.0 license; additional terms may apply.
Images, videos and audio are available under their respective licenses.