Kaŭkaza Emirlando
| Kaŭkaza Emirlando | |||||||||
| |||||||||
|
|
| ||||||||
| terorisma organizaĵo | |||||||||
|---|---|---|---|---|---|---|---|---|---|
Geografio
| |||||||||
| Ĉefurbo: | |||||||||
| Loĝantaro | |||||||||
| Ŝtat-strukturo | |||||||||
| |||||||||
La Kaŭkaza Emirlando (ĉeĉene Имарат Кавказ [Imarat Kavkaz], ruse Кавказский Эмират [Kavkazskiy Emirat]) estas memproklamita (laŭ vidpunkto reala aŭ fikcia) ŝtato, parte sekvaĵo de la Ĉeĉena Respubliko de Iĉkerio. Ĝi oficiale anonciĝis la 31-an de oktobro 2007 fare de la tiama prezidanto de Iĉkerio, Doku Umarov, kiu iĝis la unua emiro. La armea branĉo estas la Kaŭkaza Fronto, kiu partoprenis en la Dua Ĉeĉenia milito. La registaroj de Rusio kaj de Usono deklaris la Kaŭkazan Emirlandon terorisma organizaĵo.
La 24-an de majo 2011 la registaro de Usono deklarigis, ke informo pri la gvidanto Doku Umarov estos pagata je 5 milionoj da usonaj dolaroj. Internacie en bankoj stokata kapitalo de li kaj de la Kaŭkaza Emirlando devas esti frostigitaj.
La gvidantoj de la Kaŭkaza Emirlando deklaras ke sia teritorio konsistu el la sekvaj provincoj:
- Vilajat Noxçiyçö (Ĉeĉenio)
- Vilajat Ġalġayçö (Inguŝio kaj Nord-Osetio)
- Vilajat Ĉerkesio
- Vilajat Dagestano
- Vilajat Kabardio, Balkario (Kabardio-Balkario) kaj Karaĉajio (la plejparto de Karaĉajio-Ĉerkesio)
- Vilajat nogaja stepo (areoj loĝataj fare de la nogajoj en la stavropola regiono)
Tamen, laŭ Doku Umarov, la bazo de ribelaj batalistoj fidelaj al li etendiĝu "de Azerbajĝano ĝis Abĥazio". La subtenantoj de la emirlando komprenu ĝin islamisma ŝtata unuo.
Multaj antaŭaj subtenantoj de Doku Umarov en Ĉeĉenio responde al la deklaro de la "nova ŝtato" retiris sian subtenon kaj opinias ke ili volus limiĝi al sendependiĝo de Ĉeĉenio el la Rusia Federacio, sen tiaj planoj pri ekspansio.
Vidu ankaŭ
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
