Juan Ponce de León
| Juan Ponce de León | |
|---|---|
 Konkistadoro, malkovrinto de Florido | |
| Persona informo | |
| Naskiĝo | ĉ. 1460 en Santervás de Campos, Hispanujo |
| Morto | julio 1521 en Havano, Kubo |
| Mortokialo | Veneno 
|
| Tombo | Cathedral of San Juan Bautista (en) 
|
| Lingvoj | hispana |
| Ŝtataneco | Hispanio
|
Subskribo 
| |
| Familio | |
| Patro | Pedro Ponce de León (en)
|
| Patrino | Leonor de Figueroa (en)
|
| Okupo | |
| Okupo | esploristo konkistadoro militisto
|
Juan Ponce de LEÓN (naskiĝis ĉ. 1460 en Santervás de Campos[1], provinco Valladolid, Hispanujo; mortis en julio 1521 en Havano, Kubo) estis hispana konkistadoro.
En 1508 li fondis la unuan sidejon en Porto-Riko, Caparra, kiu iĝis poste San Juan. Lin kore bonvenigis la indiĝena ĉefo Agüeybaná. Leon estis nomumita guberniestro.
La 27-an de marto 1513 li ekvidis unua Nordamerikon, t.e. Floridon, kaj opiniis ĝin alia insulo. Ofte oni diras, ke li malkovris la golfan marfluon en 1513, sed fakte rimarkis tiun marfluon lia navigaciisto, Antón de Alaminos. Unue la konkistadoro supozis, ke la varma akvo venis el la golfo de Meksiko. Dum sia ekspedicio al Florido en 1513, Leon vane serĉis la mitan junecfonton.
En 1514 li ricevis la rajton koloniigi la "insulon Florido", sed revenis tien nur en 1521. Li surteriĝis ĉe la orienta marbordo de Florido la 2-an de aprilo 1521 kaj postulis la landon por Hispanujo.
Li estis atakita de indiĝenoj kaj trafita de venenigita sago. Post la atako, li reiris al Havano, kie li mortis.
La komunumoj Ponce de Leon en la usona ŝtato Florido kaj Ponce sur Porto-Riko portas lian nomon.
Referencoj
[redakti | redakti fonton]Text is available under the CC BY-SA 4.0 license; additional terms may apply.
Images, videos and audio are available under their respective licenses.
