John Mabon Warden
John Mabon Warden | |
---|---|
![]() | |
Persona informo | |
Naskiĝo | 8-an de oktobro 1856 en Edinburgo |
Morto | 7-an de marto 1933 (76-jaraĝa) en Edinburgo |
Lingvoj | Esperanto |
Ŝtataneco | Unuiĝinta Reĝlando (Britio) ![]() |
Okupo | |
Okupo | esperantisto (1905–) tradukisto ![]() |
![](https://upload.wikimedia.org/wikipedia/commons/thumb/5/50/UK_1925_grupo.jpg/220px-UK_1925_grupo.jpg)
John Mabon WARDEN [ŭordn] (naskiĝis la 8-an de oktobro 1856[1] en Edinburgo; mortis la 7-an de marto 1933 en la sama urbo) estis skota esperantisto kaj aktuario (asekura matematikisto), dum kvindek jaroj (de la 1-a de januaro de 1874 ĝis la 31-a de decembro 1923) li laboris en la vivasekura kompanio Scottish Equitable.
Li estis „fellow“ de la Fakultato de Aktuaroj en Skotlando (Faculty of Actuaries in Scotland). Li interesiĝis pri matematikaj problemoj, stenografio (kolektis ĉirkaŭ 5000 librojn pri ĝi), kaj genealogia serĉado.
En 1903 li lernis Esperanton[2]; de 1905 li instruis ĝin. Li multe propagandis kaj prilaboris ĝin. De 1916 ĝis 1922 li estis prezidanto de BEA; de 1909 li estis membro de la Lingva Komitato, de 1920 akademiano kaj vicprezidanto, prezidanto de 1931. Li servis en komitatoj de la antaŭa Centra Oficejo, kaj estis prezidanto de la Konstanta Kongresa Komitato. Li ĉeestis ĉiujn Universalajn Kongresojn de 1905, kun escepto de tiu de 1915 (San Francisko). Li estis unu el verkintoj de „Edinburga Poŝvortaro Esperanta“ (unua eldono 1915; dek-kvara, reviziita kaj pligrandigita eldono 1931) kaj ĉefredaktoro de La Sankta Biblio, 1926.
Vidu ankaŭ
[redakti | redakti fonton]Referencoj
[redakti | redakti fonton]- ↑ Laŭ Flandra Esperantisto de majo 1933, p. 167, li naskiĝis en 1857.
- ↑ Laŭ Flandra Esperantisto de majo 1933, p. 167, li esperantistiĝis en 1904.
Text is available under the CC BY-SA 4.0 license; additional terms may apply.
Images, videos and audio are available under their respective licenses.