John Denver
Persona informo
Naskonomo	Henry John Deutschendorf
Naskiĝo	31-an de decembro 1943 (1943-12-31) en Roswell
Morto	12-an de oktobro 1997 (1997-10-12) (53-jaraĝa) en Monterey
Mortis pro	Akcidenta morto vd
Mortis per	Aviadila akcidento vd
Lingvoj	angla vd
Loĝloko	Koloradio • Denvero • Fort Worth • Tucson • Lubbock vd
Ŝtataneco	Usono vd
Alma mater	Teksasa Teknika Universitato Arlington Heights High School (en) vd
Familio
Edz(in)o	Cassandra Delaney (en) (1988–1993) vd
Infanoj	3
Profesio
Alia nomo	John Denver vd
Okupo	kantaŭtoro piloto muzikproduktisto verkisto kantotekstisto televida aktoro gitaristo aktoro kantisto kantoverkisto poeto komponisto filmaktoro vd
Aktiva dum	1962– vd
Honorigoj Honorigoj (1997)  Grammy Hall of Fame (en) (1997)  Premio Grammy por la Plej Bona Muzikalbumo por Infanoj, kialo de la premio All Aboard! (en) (1976)  Usona Muzika Premio por Favorata Kontrea Albumo, kialo de la premio Back Home Again (en) (1976)  Usona Muzika Premio por Favorata Popa/Roka Vira Artisto (1976)  Usona Muzika Premio por Favorata Kontrea Vira Artisto (1975)  Usona Muzika Premio por Favorata Popa/Roka Vira Artisto (1975)  Premio de la Kontremuzika Asocio por la Amuzisto de la Jaro (1975)  Primetime Emmy Award for Outstanding Variety, Music, or Comedy Special (en)  Grammy Award  stelo sur la Trotuaro de famo en Holivudo vd
Membrecoj Membrecoj Tucson Arizona Boys Chorus (en) The John Denver Band (en) vd
En TTT	Oficiala retejo vd
vd	Fonto: Vikidatumoj
v • d • r

Henry John DEUTSCHENDORF, pseŭdonime John DENVER (naskiĝis la 31-an de decembro 1943 en Roswell, mortis la 12-an de oktobro 1997 en Golfo Monterejo) estis usona kontreokantisto, kantverkisto, muzikisto, aikidoko kaj aktoro. En 1994 li verkis sian aŭtobiografion kun la titolo Take me Home (Portu min Hejmen).

Denver loĝis la plej granda parto de sia vivo en Aspen en Koloradio. Dum la 1960-aj jaroj li komencis sian karieron ĉe The Mitchell Trio, popolmuzika grupo kiu precipe konformiĝis al politika kaj sociala satiro. Post ŝanĝo en la konsisto, la grupo dum mallonga tempo nomiĝis Denver, Boise & Johnson. En 1969 John Denver komencis sian solokarieron. Lia kanto Leaving, on a Jetplane (Forirante en Jeto) fariĝis numero unu furorkanto por Peter, Paul kaj Mary. Kelkajn jarojn pliposte por John Denver alvenis la granda publika atento, unue per Take Me Home, Country Roads kaj unu jaron pliposte per Rocky Mountain High.

En 1985 li aperis en aŭskulta kunsido de la Usona Senato, kiu okazis laŭ insisto de Parents Music Resource Center (PMRC). Ĉi tiu agadgrupo, kunfondita de Tipper Gore, volis per leĝdonado repuŝi la supozitan pereigan influon de popmuziko je usonaj junuloj. Samkiel Dee Snider kaj Frank Zappa John Denver deklaris esti kontraŭ tiuj planoj.

Kiel aktoro Denver kunludis en la filmo Oh, God! (Ho, Dio!) el 1977 kun George Burns. Post gastprezentado en la Muppet Show li dufoje partoprenis en la ludo kun la Muppets en speciala televida prezentado: John Denver and the Muppets: A Christmas Together (1979) kaj John Denver and the Muppets: Rocky Mountain Holiday (1982).

Denver multfoje sin dediĉis al bonfaraj celoj. Li kelkfoje vizitis Afrikon por kontribui al la batalo kontraŭ malsatego. Krom tio li laboris por naturkonservado, inter aliaj en Alasko.

Jogn Denver mortis antaŭ la bordo de Monterey. Kiam la de li stirita aviadilo, (tipo Rutan Long-EZ) kiun li ĵus antaŭe aĉetis, kraŝis. Oni supozas ke sensperteco kun la flugmaŝino estis la kaŭzo de la akcidento. Aliuloj eĉ opinias ke estis sinmortigo.

• Leaving, on a Jetplane
• Take Me Home, Country Roads
• Sunshine on my Shoulders
• Rocky Mountain High
• Thank God I'm a Countryboy
• Annie's Song
• Calypso
• Perhaps Love (kune kun Placido Domingo)

• Thank God I'm A Country Boy (26-7-1975)
• Calypso (22-11-1975)
• Annie's Song (28-2-1976)
• Perhaps Love (26-12-1981) kun Placido Domingo

• JohnDenver.com (Oficiala retejo)
• Oficiala John Denver Fanklubo
• Foto