Ivano Susanin
Ivano Susanin | |
---|---|
![]() | |
Persona informo | |
Naskiĝo | 30-an de novembro 1500 en Derevenki |
Morto | 21-an de marto 1613 (112-jaraĝa) en Isupovskoje boloto |
Ŝtataneco | Rusa carlando ![]() |
Okupo | |
Okupo | metiisto ![]() |
Ivano SUSANIN (ruse Ива́н О́сипович Суса́нин) estas rusa popola heroo kaj martiro pereinta en 1613 dum la Granda Malordo en Rusio por savi la junan caron. Liaj precizaj naska kaj morta datoj ne estas konataj.
Vintre de 1613 polaj invadintoj provis reataki Rusion kaj rekapti Moskvon. La ĵus elektita caro Miĥaelo la 1-a tiam troviĝis en la vilaĝo Domnino, Kostroma provinco. Por atingi la vilaĝon en malfavoraj, vintraj kondiĉoj, la pola taĉmento prenis lokan ĉiĉeronon, maljunulon Ivan Susanin. Tiu ne volis malkovri la situon de la cara rezidejo kaj direktis la konkerintojn en netraireblan arbaron. Li reale savis la junan caron, sed turmente pereis tie.
Memoro
[redakti | redakti fonton]La heroaĵo allogis atenton de multaj rusaj verkistoj, pentristoj kaj muzikistoj. Poeto Kondratij Rilejev gloris ĝin per jenaj rimarkindaj vortoj "... ĉiu Patrolandon amas de juneco kaj animon sian per perfido ne difektos." Komponisto Miĥail Glinka omaĝis al tiuj eventoj sian operon "Ivano Susanin". En 1967 en Kostroma urbo oni starigis la monumenton (skulptisto Nikita Lavonskij) respekte al la heroo sur la Moloĉnaja Gora (Lakta Monto).
-
Susanin kaj polaj konkerintoj
-
Teodoro Ŝaljapin ludas la rolon de Ivan Susanin
-
figuro de Ivan Susanin sur la monumento "Jarmilo de Rusio" en Velikij Novgorod
-
la rusia tri-rubla monero "Ivan Susanin en Bolŝoj-teatro" (2001)
Eksteraj ligiloj
[redakti | redakti fonton]- Biografio kaj ilustraĵoj Arkivigite je 2010-07-31 per la retarkivo Wayback Machine ruse
- Libro "Ivan Susanin: legendoj kaj realeco" far N. Zontikov[rompita ligilo] angle, ruse
- Epilogon de la opero "Ivan Susanin" kantas la ĥoro de la moskva Bolŝoj-teatro ruse
Text is available under the CC BY-SA 4.0 license; additional terms may apply.
Images, videos and audio are available under their respective licenses.