Hans Erasmus
| Hans Erasmus | |
|---|---|
| Persona informo | |
| Naskiĝo | 6-an de marto 1933 |
| Morto | 29-an de marto 2020 (87-jaraĝa) |
| Lingvoj | Esperanto |
| Ŝtataneco | Reĝlando de Nederlando 
|
| Okupo | |
| Okupo | esperantisto
|
Hans Erasmus (naskiĝinta la 6-an de marto 1933, mortinta la 29-an de marto 2020 pro falakcidento[1]) estis nederlanda Esperanto-parolanto. Kadre de Esperantujo li okupiĝis ĉefe pri eŭropaj demandoj.
Li ludis ŝlosilan rolon en la diskonatigo de Esperanto en la medio de universitataj instruado kaj esplorado en Nederlando. Li ankaŭ estus la ĉefa arkitekto de la katedro pri Interlingvistiko kaj Esperanto ĉe la Universitato de Amsterdamo.
Li agis interalie kadre de la Eŭropa Esperanto-Unio (EEU). En la naŭdekaj jaroj li kun aliaj traktis la projekton "Komunikado en Eŭropo 1992"[2]. Longe li gvidis kadre de EEU laborgrupon pri lingvaj problemoj[3].
En 1999 li organizis la duan Nitobe-simpozion dum la UK en Berlino[4].
Li estis kuratoro de la katedro pri Interlingvistiko kaj Esperanto ĉe la Universitato de Amsterdamo[5].
Krome Hans Erasmus partoprenis, same kiel Wim Jansen kaj pluraj dekoj da ne-Esperanto-parolantaj esploristoj, en la interdisciplina esplorgrupo Babela Eŭropo [6] ene de la humanisma fakultato en Amsterdamo.
Verkoj (nekompleta)
[redakti | redakti fonton]- Esperanto en Eŭropo: Du proponoj. Lingvodiverseco kaj lingva demokratio. Artikolo en: Al lingva demokratio — Aktoj de la Nitobe-Simpozio de Internaciaj Organizaĵoj, Prago, 20-23 julio 1996. Rotterdam: UEA, 1998. (Laŭ nitobe.info[rompita ligilo] pri Esperanto kiel ebla "pontlingvo en la interpretado-sistemo" de EU kaj kiel "la unua fremda lingvo instruata en lernejoj".)
Notoj kaj fontoj
[redakti | redakti fonton]- ↑ Nekrologo fare de Wim Jansen ĉe liberafolio.org
- ↑ Historio de EEU
- ↑ Laŭ Eŭropa Bulteno 20[rompita ligilo], ĉ. 2002
- ↑ UK 1999
- ↑ Revuo Esperanto, feb. 2009, p. 4
- ↑ Revuo Esperanto, feb. 2009, p. 4. La Manifesto de 'Babela Eŭropo' kaj klarigdokumento atingeblas sur paĝo de edukado.net Arkivigite je 2009-03-11 per la retarkivo Wayback Machine
Vidu ankaŭ
[redakti | redakti fonton]- Raporto de Hans Erasmus pri "Laborgrupo "homaj rajtoj" en Strasburgo" en septembro 2001[rompita ligilo]
- Forpasis Hans Erasmus, artikolo aperinta la 27-an de aprilo 2020 en Libera Folio
Text is available under the CC BY-SA 4.0 license; additional terms may apply.
Images, videos and audio are available under their respective licenses.
