Galiono^[1] estas speco de velŝipo, kiu disvolviĝis en la unua duono de la 16-a jarcento kaj estis forte pluevoluigita ĝis la komenco de la 17-a jarcento. Galionoj estis grandaj militaj ŝipoj, armitaj per multaj kanonoj. Ili kutime havis tri aŭ kvar mastojn.

Galionojn oni uzis komence precipe en Hispanio, Portugalio kaj Anglio. Hispanoj uzis grandajn galionojn ĉefe por transporti trupojn kaj materialojn por la konkero de Ameriko, velante okcidenten trans la Atlantiko. Revene galionoj transportis i.a. oron el la hispanaj kolonioj. Pro tio ili estis ofte atakitaj de precipe anglaj kaj francaj piratoj.

Ankaŭ la granda marŝiparo, per kiu la hispana reĝo Filipo la 2-a atakis Anglion en 1588 parte konsistis el galionoj.

• Kirsch, Peter: Die Galeonen. Große Segelschiffe um 1600. Koblenz, Bernard&Graefe, 1988. ISBN 3-7637-5470-9
• Howard, Frank: Segel-Kriegsschiffe 1400-1860. Koblenz, Bernard&Graefe, 1989. ISBN 3-7637-5239-0
• Nelson, Arthur: The Tudor Navy. The ships, men and organisation 1485-1603. London, Conway Maritime, 2001. ISBN 0-85177-785-6

• Manila-Galeone
• San Juan Bautista (ŝipo)
• Vasa (ŝipo)
• Batavia (ŝipo)
• Adler von Lübeck
• De Zeven Provinciën (1665)

• Universitata retejo pri rekonstruo de iberiaj ŝip-vrakoj de la 16-a jarcento
• Retejo kun ŝipkonstrua prezento de galiono el:^{[rompita ligilo]} Fernandez, Manoel: Livro de traças de carpintaria 1616. Faksimilo, Lisboa: Academia de Marinha, 1989.