El-Ajn
setlejo limurbo urbo urbego vd
Administrado
En TTT	Oficiala retejo [+]
Demografio
Loĝantaro	766 936  (2017) [+]
Geografio
Geografia situo	24° 12′ N, 55° 45′ O (mapo)24.207555.744722222222Koordinatoj: 24° 12′ N, 55° 45′ O (mapo) [+]
Alto	292 m [+]
Horzono	UTC+04:00 [+]
DEC Situo de El-Ajn
Partoj Partoj Cultural Sites of Al Ain (Hafit, Hili, Bidaa Bint Saud and Oases Areas) vd
Alia projekto
Vikimedia Komunejo Al Ain (Abu Dhabi) [+]
v • d • r

El-Ajn, arabe: العين‎‎, angle Al-Ain laŭ alia transskribo Al-ʿAyn estas metropolo, universitata urbo kaj limpasejo en orienta Unuiĝintaj Arabaj Emirlandoj en emirlando Abu-Dabio. La urbego estas Kultura Heredaĵo de UNESCO. La loknomo signifas laŭvorte La Fonto, sed komprenu: Ĝardenurbo. La metropolo estas la due plej granda en Abu-Dabio kaj la kvara plej granda en la Unuiĝintaj Arabaj Emirlandoj.

• Areo: 13,100 km²
• Supermara alteco: 292 m
• Loĝantaro: 631,005 en 2013
• Horzono: UTC +4
• Telefonkodo:

El-Ajn situas en orienta parto de la lando laŭ landlimo de Omano. Apud la metropolo monto 1300 metrojn alta (la plej alta en la lando) etendiĝas. Dubajo troviĝas 128, urbo Abu-Dabio 145 km.

En tiu loko estas oazoj, kiujn la homoj profitis kontinue 4000 jarojn. La fortikaĵo estis konstruita en la malfrua 19-a aŭ frua 20-a jarcento por solidigi la kontrolon. En 1952 Saud-Arabio sendis rabatakantojn por kapti la fortikaĵon kaj integrigi la oazon al la saudi-arabia regno. Fortoj de la Omanaj Skoltoj, same kiel la armeo de Muskato-Omano, alvenis por rekapti la oazon. Kun brita interveno, la saudi-arabiaj trupoj kapitulacis. Antaŭ sendependeco, El-Ajn estis parto de la araba sklavokomerca reto. En la 1960-aj jaroj oni aboliciis formale la sklavecon. La unua hospitalo estis establita en 1960. En 1971 la emirlando sendependiĝis, poste la urbo rapide kreskis. En la 1990-aj jaroj granda ribelo okazis inter la laboristoj en la industria zono de la urbego, sed la polico subpremis ĝin. La laboristoj engaĝitaj estis deportitaj. Ĝis 2006 la landlimo estis libera, sed poste jam pasporta kontrolo estas.

En El-Ajn laboras multe da enmigrantoj aŭ gastlaboristoj ekzemple el Bangladeŝo, Pakistano, Afganio. Gravas la turismo kaj komerco. La industrio produktas trinkaĵojn, cementojn, ceramikaĵojn kaj tre diversajn varojn, la agrikulturo fruktojn, legomojn, brutojn. En la urborando bazarado pri kameloj funkcias (unika en la lando). En El-Ajn universitatoj funkcias, la unua estis fondita en 1976.

El El-Ajn kuras aŭtovojoj al diversaj direktoj. La aŭtovojoj ligantaj El-Ajn, Abu-Dabio, kaj Dubajo formas geografian triangulon en la lando. La metropolo havas internacian flughavenon.

En El-Ajn en la plena jaro pluvas nur 96 mm kaj la meza relativa humideco estas 60%. La averaĝa temperaturo estas 29 °C, inter majo-septembro ĝi ofte estas pli, ol 40 °C.

• nacia kaj palaca muzeoj
• fortikaĵo
• arkeologia parko kun bronzepokaj restaĵoj
• moskeo
• bestoĝardeno
• amuzparko
• akvoparko kun surfado, kajakado kaj surtorenta flosado ekde 2012

• Universitato de Unuiĝintaj Arabaj Emirlandoj

• WikiTrans
• mapo, distancoj^{[rompita ligilo]}
• [1]