Eŭskio
eŭske Euskal Herria, hispane Vasconia, País Vasco, france Pays basque
teritorio
Eŭskio en Eŭropo
Ikurrina   Zazpiak Bat
Oficiala nomo: Eŭsklando
Himno: Gora ta Gora
Landoj	Hispanio, Francio
Parto(j)	Eŭska Aŭtonoma Komunumo, Atlantikaj Pireneoj
Areo	20 947 km² (2 094 700 ha)
Loĝantaro	3 007 661 (2006)
Lingvoj	eŭska, hispana, franca
Valuto	Eŭro
Vikimedia Komunejo: Basque Country

Eŭskio aŭ Eŭskujo (eŭske Euskal Herria, t.e. Eŭsklando) estas la tradicia lando de la Eŭskoj. Ĉar la Eŭskoj neniam havis fortegan politikan unuecon, ĝi nuntempe troviĝas en situacio simila al tiu de dispecigita Kurdio: Du el ĝiaj tri ĉefaj partoj troviĝas ene de la hispana regno, dum Nord-Eŭskio estas franca. En vastaj areoj ĝi jam estas kulture latinidigita, kun ofta perdo de unu de la malmultaj antaŭhindeŭropaj lingvoj de Eŭropo, la eŭska.

La flago de Eŭskio nomatas eŭske "Ikurrina".

Laŭ la stato de 2020 en la regiono vivis 3 193 513 loĝantoj sur areo de 20 870 kvadrataj kilometroj, kio rezultigas loĝdenson de 153 loĝantoj/km².

La plimulto de la eŭskoj klopodas konservi la eŭskan lingvon viva, kaj multaj eŭskaj naciistoj klopodas akiri sendependecon de Hispanio kaj Francio.

Eŭskio, vastasence, ampleksas la jenajn sep provincojn:

Ene de Hispanio:

En Eŭska Aŭtonoma Komunumo (ofte nomata "Eŭskio" ankaŭ):

• Alavo (eŭske Araba, hispane Álava)
• Gipusko (eŭske Gipuzkoa, hispane Guipúzcoa)
• Biskajo (eŭske Bizkaia, hispane Vizcaya)

En Navara Aŭtonoma Komunumo:

• Navaro (eŭske Nafarroa, hispane Navarra)

Ene de Francio (oficiale en departemento Atlantikaj Pireneoj, france Pyrénées-Atlantiques):

• Lapurdo (eŭske Lapurdi, france Labourd)
• Malsupra Navaro (eŭske Nafarroa Beherea, france Basse Navarre)
• Zubero (eŭske Zuberoa, france Soule)

• Eŭska nacia teamo de futbalo
• Eŭska Esperanto-Asocio

v • d • r Provincoj de Eŭskio (Euskal Herria) Sud-Eŭskio Provinco Gipusko (Gipuzkoa) Provinco Alavo (Araba) Provinco Biskajo (Bizkaia) Navaro (Nafarroa) Nord-Eŭskio Lapurdo (Lapurdi) Malsupra Navaro (Nafarroa Beherea) Zubero (Zuberoa)