Calonectris
 | ||||||||||||
|---|---|---|---|---|---|---|---|---|---|---|---|---|
 Flavbeka pufino (Calonectris diomedea)
| ||||||||||||
| Biologia klasado | ||||||||||||
| ||||||||||||
Familioj de subdivizioj
| ||||||||||||
|
Calonectris leucomelas | ||||||||||||
Aliaj Vikimediaj projektoj
| ||||||||||||
Calonectris estas genro de marbirdoj. Ĝi enhavas tri grandajn pufinojn. Estas du aliaj genroj de pufinoj. Nome Puffinus, kiu enhavas ĉirkaŭ dudek malgrandajn al mezgrandajn pufinojn, kaj Procellaria kun aliaj kvar grandaj specioj. Tiu lasta estas kutime nomata kiel petreloj, kvankam oni supozas, ke ili estas pli proksime rilataj al la pufinoj ol al la aliaj petreloj. La taksonomio de tiu grupo estas kaŭzo de ioma debato, kaj nur ĵuse oni disigis la taksonon de la Kaboverda pufino el la Flavbeka pufino.
Priskribo
[redakti | redakti fonton]La specioj de tiu grupo estas longflugilaj, malhelbrunaj al grizbrunaj supre, kaj ĉefe blankaj sube. Ili estas pelagaj for de la reprodukta sezono. Ili estas plej komunaj en moderklimataj kaj malvarmaj akvoj.
Tiuj Procelarioformaj birdoj flugas per rigidaj flugiloj, kaj uzas pufinan flugoteknikon kiu konsistas el moviĝi tra la ondofrontoj per minimuma aktiva flugo. Ties flugmaniero ŝajnas pli kvazaŭ de albatroso ol de la specioj de la genro Puffinus.
La pufinoj de la genro Calonectris estas longdistancaj migrantoj. Nome la Stripufino disiĝas el siaj reproduktaj insuloj de Azio tra okcidenta Pacifiko kaj al orienta Hinda Oceano.
La Flavbeka pufino havas du subspeciojn. C. d. diomedea reproduktiĝas en Mediteraneo kaj C. d. borealis en Azoroj, Kanarioj kaj Madejro. Ili disiĝas tra la tuta Atlantika Oceano kaj en okcidenta Hinda Oceano. Tiuj povus esti distingaj specioj (Heidrich et al. 1998).
La pufinoj de la genro Calonectris venas al insuloj kaj marbordaj klifoj nur por reproduktiĝi. Ili estas noktulaj ĉe la koloniaj reproduktejaj lokoj, preferante senlunlumajn noktojn por minimumi predadeblon. Ili nestumas en nestotruoj kaj ofte elsendas kontaktalvokojn ĉe siaj noktaj vizitoj. Ili demetas unusolan blankan ovon.
Ili manĝas fiŝojn, kalmarojn kaj similajn oceanajn manĝojn. Ili sekvas fiŝkaptadajn ŝipojn por elpreni fiŝorestaĵojn.
Listo de specioj
[redakti | redakti fonton]- Genro Calonectris
- Stripufino, C. leucomelas
- Boreala pufino aŭ Atlanta flavbeka pufino, C. (diomedea) borealis
- Cindropufino aŭ Mediteranea flavbeka pufino, C. (diomedea) diomedea
- Kaboverda pufino, C. edwardsii
Oni priskribis du prahistoriajn speciojn, Calonectris krantzi el fosilioj de komenca Plioceno kaj Calonectris wingatei el meza Pleistoceno.
Referencoj
[redakti | redakti fonton]- Harrison, Peter (1987): Seabirds of the world : a photographic guide. Princeton University Press, Princeton. ISBN 0-691-01551-1
- Heidrich, Petra; Amengual, José F. & Wink, Michael (1998): Phylogenetic relationships in Mediterranean and North Atlantic shearwaters (Aves: Procellariidae) based on nucleotide sequences of mtDNA. Biochemical Systematics and Ecology 26(2): 145–170. COI:10.1016/S0305-1978(97)00085-9 PDF kompleta teksto
| ||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
